Çay qocalma ilə mübarizə aparır və müntəzəm istehlak edildikdə bioloji yaşı azaldır. Çay içənlərdə yuxusuzluq və narahatlıq əlamətləri daha az hiss edilir.

BUTA.TV xəbər verir ki, bu barədə Çinin bir qrup aliminin araşdırmasında qeyd olunub.

Alimlər iştirakçılar arasında sorğu keçirərək onların hansı növ çaya üstünlük verdiyini və nə qədər içdiklərini öyrənib. Sonra iki il ərzində alimlər iştirakçıları müşahidə edib və onların bioloji yaşı haqqında məlumat toplayıb.

Tədqiqatda Böyük Britaniyadan 37-73 yaş arası 5998 və Çindən 30-79 yaş arası 7931 nəfər iştirak edib.

Tədqiqatın aparıcı müəlliflərindən biri Yi Xianq bildirib ki, gündə təxminən üç fincan çay və ya 6-7 qram çay yarpağı içmək yaşlanma əleyhinə təsir göstərir:

“Bioloji yaşın azalması çayın tərkibində çoxlu miqdarda olan maddələr və aktiv birləşmələr səbəbindən baş verir. Ən böyük effekti çayı müntəzəm və ölçülü şəkildə içən iştirakçılar hiss edib”.

Qeyd edək ki, gün ərzində çox içilən çayın orqanizmə ziyan verdiyi haqda da araşdırmalar var.

• Əliyevlə İran böhranını müzakirə etdik - Meloni
• İrəvandakı sammit Kremli dəli etdi: Bu, üzə tüpürməkdir!
• Bakıda şəhid ailəsini təhqir edən şəxs həbs olundu - Foto
• Gələn ay neçə gün iş olmayacaq?
• AzTV əməkdaşı "torpaq alıcısı" oldu, nələr üzə çıxdı? - VİDEO
• Əksəriyyət məlumatsızdır: Pensiyaçılar bu vergilərdən azaddır
• Sabirabadda geniş ərazilər su altında qaldı
• Saxta sənəd hazılayan həkimin cəzası bəlli oldu