Tanınmış tədqiqatçı alim Nazir Əhmədli Naxçıvan Muxtar Respublikası Ali Məclisinin keçmiş sədri, Milli Məclisin hazırkı deputatı Vasif Talıbovun şəcərəsini araşdırıb.
Modern.az-ın məlumatına görə, Nazir Əhmədli 1873-cü ildə arxivləşdirilmiş Şərur-Dərələyəz qəzasının kameral təsvirindən çıxarışı dərc edib. Həmin çıxarışa görə, Vasif Talıbovun şəcərəsi Şərur-Dərələyəz qəzasının Xan Aralığı kəndindəndir. Arxivləşdirilən kameral təsvirdə yazılıb:
“Talıb Xudaverdi oğlu 50 yaşında; oğlanları - Həsənqulu 22 yaş; Abdulla 13 yaş; Rzaqulu 5 yaş. Ailədə 4 kişi və 3 qadın var”.
Tədqiqatçı-alim qeyd edib ki, Şərur-Dərələyəz qəzasının Xan Aralığı kəndi Kor Kəlbəli xana məxsus olduğuna görə o cür adlanıb.
“Bundan başqa “Bəy Aralığı" kəndi də olub. Sonralar bu iki kənd qovuşub və hazırda bir “Aralıq” kəndi var.
Çox güman ki, Vasif Talıbov Rzaqulunun nəslindəndir, çünki böyük oğlunun adı da Rzadır”, - Nazi Əhmədli bildirib.
Talıbovun milliyətinə gəlincə, tədqiqatşı alim bunları deyib:
“Hazırkı kameral təsvirin tərtib edildiyi 1873-cü ildə türkləri də, kürdləri də, tatları da tatar yazırdılar. Mənim qənaətimə görə, o türkdür”.
“O, xan nəslindən olmayıb, sadəcə, babaları xanın kəndində yaşayan rəiyyət olub”, - deyə Nazir Əhmədli əlavə edib.
Vasif Talıbov 1995-ci ilin dekabr ayından Naxçıvan Muxtar Respublikası Ali Məclisinin sədri vəzifəsində çalışıb. O, 27 ildən sonra - 2022-ci ilin dekabrında Ali Məclisin sədri vəzifəsindən istefa verib. V.Talıbov vəzifədə olduğu müddətdə Naxçıvanda onu qeyri-rəsmi olara "Xan" adlandırırdılar.
V.Talıbov hazırda Azərbaycan Milli Məclisnin deputatıdır.
- Bakıda ilanlar aktivləşir: Ən riskli ərazilər açıqlandı
- Belqrad və Bakı arasında birbaşa uçuşlar başladı
- Əli Həsənovun ərindən ayrılan qızı Dubayda nə iş görür?
- 27 sentyabr müşavirəsi: Nəcməddin buna etiraz edir...
- Səttar Möhbalıyevin oğlunun Dubaydakı mülkləri - FOTO
- Gədəbəyin prokurorunun xanımına nazirlikdə vəzifə verildi
- Müdafiə Nazirliyi həftəlik icmalını təqdim etdi - Video
- Rusiyadan Bakıya uçan təyyarə Qazaxıstana təcili eniş etdi