Qarabağdan İrəvana qaçan separatçılarla Ermənistan hakimiyyəti arasında 800 milyon dollarlıq qarşıdurma yaşanır.

BUTA.TV Publika.az-a istinadən xəbər verir ki, işğal dövründə qondarma “artsax” adından istiqrazlar buraxılıb.

“Hraparak” nəşri yazır ki, separatçılara təkcə Ermənistan hökuməti maliyyə ayırmırdı, həm də bu istiqrazlar vasitəsilə pul qazanırdılar.

“Bu, əsasən Serj Sərkisyanın dövründə olub. Sərkisyan Ermənistanda bankları bu istiqrazları almağa məcbur edib və bu yolla Qarabağa pullar göndərilib. Qarabağda rejim ləğv edildikdən sonra vaxtilə bu istiqrazları alan banklar Ermənistan hakimiyyətindən kompensasiya tələb edirlər. Söhbət təxminən 340 milyard dramdan, yəni 800 milyon dollardan gedir”, - nəşr yazır.

Məlumata görə, ötən həftə Ermənistanın Baş nazirinin müavini Mger Qriqoryan və hakim partiyanın bəzi deputatları Mərkəzi Bankın sədri ilə qapalı görüş keçirib.

“Onlar pulların qaytarılmasının mümkünsüzlüyünü izah ediblər. Hakimiyyətin fikrincə, Serj Sərkisyan bu yolla pul qazanıb və indiki hakimiyyət bunu ödəmək məcburiyyətində deyil”, - nəşr qeyd edir.

• Bakıda 7 marşrutun hərəkət sxemi dəyişdirilir - Səbəb
• DOST Agentliyində işləmək istəyənlərin diqqətinə!
• İsmayıllıda sel suları yolu dağıtdı: 4 kəndlə əlaqə kəsildi
• Partlayışda yaralanan, canı ilə çəkişən həkim haqda mühüm fakt
• Ağdamda ağır qəza: ölənlər var
• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı