“Vaqner” şirkətinin təsisçisi Yevgeni Priqojinin olduğu təyyarəyə heç bir kənar təsir olmayıb, təyyarə qəzasında həlak olanların cəsədlərində əl qumbaralarının izləri aşkarlanıb.
BUTA.TV xəbər verir ki, bunu Rusiya Prezidenti Vladimir Putin “Valday” klubunda çıxışında deyib.
“Bilirəm, yəqin ki, şirkət rəhbərliyinə nə baş verdiyi ilə bağlı suallar qalmaqdadır. Qəza barədə məlumatlıyıq, İstintaq Komitəsinin rəhbəri yaxınlarda mənə informasiya verdi. Təyyarə qəzasında həlak olanların cəsədlərindən əl qumbaralarının parçaları tapılıb. Təyyarəyə heç bir kənar təsir olmayıb, bu artıq təsdiqlənmiş faktdır, Rusiya İstintaq Komitəsinin apardığı ekspertizanın nəticəsidir”, - Putin bildirib.
Prezident həmçinin bildirib ki, Priqojinin Sankt-Peterburqdakı ofisindən 10 milyard rubl nağd pul və 5 kq kokain tapılıb.
Xatırladaq ki, Y.Priqojin avqustun 23-də Tver vilayətində baş vermiş təyyarə qəzası nəticəsində həlak olmuşdu.
- Onkologiya mərkəzində partlayış: Cinayət işi açıldı
- Sumqayıtda suyun verilişində fasilə yaranacaq
- Bu ərazidə qaz olmayacaq
- "TurAz Qartalı - 2026" birgə taktiki-uçuş təlimi davam edir
- Bakıda Avropa Kubokunun açılış mərasimi oldu
- Tiktoker ev dustaqlığına buraxıldı
- Görünüş məsafəsi 1000 metrədək məhdudlaşacaq
- 400 minlik dələduzluq: Sabiq ekspertin məhkəməsi...