Naxçıvan Muxtar Respublikasının Naxçıvan şəhər Polis İdarəsində qəribə hadisə baş verib.
BUTA.TV Publika.az-a istinadən xəbər verir ki, əvvəllər polis nəfəri kimi çalışmış 1992-cü il təvəllüdlü Nurlan S. qardaşının işi ilə əlaqədar idarəyə gedərək insident törədib.
Belə ki, Nurlan qeydiyyatdan keçmədən inzibati binaya daxil olub. Bu zaman qapıda dayanan polis əməkdaşı onu saxlayıb və idarəyə daxil olan mülki şəxslərin mütləq qeydiyyatdan keçməli olduğunu bildirib.
Burada keçmiş polis əməkdaşı ilə idarə əməkdaşları arasında mübahisə yaranıb. Nurlan polis əməkdaşının ona müraciətinə etiraz edib. Mübahisə böyüdüyündən Nurlan barəsində İnzibati Xətalar Məcəlləsinə əsasən protokol tərtib edilib.
Saxlanılan şəxs protokolla birgə Naxçıvan şəhər Məhkəməsinə göndərilib və onun barəsində 7 sutkalıq həbs qərarı verilib.
Qeyd edək ki, həbs edilən şəxs polis sistemindən bir müddət əvvəl kənarlaşdırılıb.
- Görünüş məsafəsi 1000 metrədək məhdudlaşacaq
- 400 minlik dələduzluq: Sabiq ekspertin məhkəməsi...
- Çörək bahalaşır? - Rəsmi cavab
- Bu maşınlar İçərişəhərə buraxılmayacaq
- Mehdiabaddan Biləcəriyə qədər maşını arxa-arxaya sürdü - Video
- Prezident fərman imzaladı
- Nazir Elşən Məmmədova yüksək vəzifə verdi - Foto
- Lətif Kərimovun 120 illiyi qeyd ediləcək