Azərbaycan ordusunun mayoru Amil Abdullayevi öldürməkdə təqsirləndirilən kapitan Nizami Abdullayevin cinayət işi üzrə ibtidai istintaq başa çatıb.
BUTA.TV xəbər verir ki, iş baxılması üçün Füzuli hərbi məhkəməsinə göndərilib.
İş hakim Əmrah Nəcəfovun icraatına verilib.
Qeyd edək ki, ilkin istintaqla ordumuzun zabiti Amil Abdullayevin digər zabit Nizami Abdullayev tərəfindən aralarında yaranmış mübahisə zəmnində qəsdən öldürülməsinə əsaslı şübhələr müəyyən olunduğundan, o, şübhəli şəxs qismində tutularaq istintaqa cəlb edilib.
Zərərçəkmiş mayor Amil Abdullayev İkinci Qarabağ Müharibəsində döyüşüb. Bir neçə rayonun işğaldan azad edilməsinə görə təltif edilib.
Fakt üzrə Füzuli hərbi prokurorluğunda Azərbaycan Respublikası Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanılıb.
- Şəkili Pərviz yenə saxlanıldı
- Əcnəbilərlə evliliyin artmasının əsas səbəbi nədir? - Video
- Xəzər sahilində ev tikənlərə xəbərdarlıq - Video
- Ötən gün 18 kiloqramdan çox narkotik aşkarlandı
- Bu evlərə görə cərimələnə bilərsiniz - Diqqət!
- Axtarışda olan 153 nəfər saxlanıldı
- Bu şəhərlərdə WUF13 Festivalı keçiriləcək: İştirak sərbəstdir
- QHT nümayəndələri Nyu-York merinə məktub yazdı