Səudiyyə Ərəbistanı Krallığının Daxili İşlər Nazirliyi Həcc vizası olmayan şəxslərin cərimə ediləcəyi barədə xəbərdarlıq yayıb.

BUTA.TV Report-a istinadən xəbər verir ki, bu barədə Səudiyyə Ərəbistanının Həcc və Ümrə Nazirliyinin rəsmi "X" səhifəsində bildirilib.

Qeyd olunub ki, Həcc qaydalarını və müvafiq təlimatları pozanlara qarşı iyunun 2-dən etibarən cəza tədbirləri həyata keçiriləcək.

Qaydaları pozan şəxslər təxminən 2 675 ABŞ dolları məbləğində cərimə ediləcək. Eyni zamanda həmin şəxslər deportasiya olunacaq. Həmçinin bildirilib ki, qaydalar təkrar pozularsa, nəzərdə tutulan məbləğ ikiqat artırılacaq.

Xatırladaq ki, bu il Azərbaycandan Həcc ziyarətinə ilk zəvvar qrupu iyunun 4-ü yola düşəcək. Azərbaycandan Həcc ziyarətinə 1500 nəfərlik kvota ayrılıb. Ziyarətin bir nəfər üçün qiyməti 5 min 850 ABŞ dolları təşkil edir. İyunun 16 və 17-də Azərbaycanda Qurban bayramıdır.

• Məleykə xanım bu xalqdan kimin və nəyin qisasını alır?..
• Ukrayna və İran müharibənin yeni reallığını ortaya çıxardı
• 1677 işçi müqaviləsiz çalışıb: 2,5 milyonluq cərimə...
• 13 yaşlı oğlan faciəvi şəkildə öldü
• Leyla və Arzu Əliyevalara "Qurani-Kərim” hədiyyə olundu
• Azad edilən bu ərazilərə növbəti köç karvanı yola salındı
• Bu gün Bakının bu rayonlarında qaz olmayacaq
• Bu gün Zərifə Əliyevanın doğum günüdür