Abşeron rayonu, Masazır qəsəbəsi ərazisində mənzildə yanğın baş verib.

BUTA.TV xəbər verir ki, bu barədə Fövqəladə Hallar Nazirliyinin Mətbuat Xidmətindən bildirilib.

Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.

Hadisə yerində əməliyyat şəraitinin qiymətləndirilməsi zamanı onüçmərtəbəli yaşayış binasının 13-cü mərtəbəsində yerləşən ümumi sahəsi 46m² olan birotaqlı mənzildə yanğınla nəticələnən partlayışın baş verdiyi müəyyən olunub.

Hadisə zamanı 1 otağın yanar konstruksiyaları yanıb və partlayış dalğasının təsirindən mənzil yararsız vəziyyətə düşüb. Xəsarət alan olmayıb.

FHN əməkdaşları tərəfindən ərazidə müvafiq təhlükəsizlik tədbirləri görülüb.

Hadisə ilə əlaqədar aidiyyəti qurumlar tərəfindən araşdırma aparılır.

• Bakıda əməliyyat: “bank əməkdaşları” saxlanıldı - Video
• Bakıda müalicə müəssisəsindən xəstələr qaçıb?
• Nərimanovda bu mənzillərin satışı davam edir! - "Kristal"
• Sabirabadda Kür çayı məcrasından çıxdı
• Partlayışda yaralanan həkim dünyasını dəyişdi
• Zakir Fərəcov vətəndaşlarla görüşdü
• Bir qəpik də ödəmədən 117 min kv.metrlik torpaq aldı - Foto
• İlham Haqverdiyev məhkəmə zalından azadlığa buraxıldı