Bir neçə gün davam edən mülayim hava şəraitindən sonra martın 15-i axşam şimal və qərb rayonlarından başlayaraq havanın dəyişəcəyi, 17-dək fasilələrlə yağıntılı olacağı, dağlıq rayonlarda qar yağacağı gözlənilir.

BUTA.TV xəbər verir ki, bu barədə Milli Hidrometeorologiya Xidmətinin yaydığı xəbərdarlıqda bildirilib.

Qeyd olunub ki, Naxçıvan MR, Qarabağ və Şərqi-Zəngəzur, Qazax-Gəncə, Balakən-Şəki, Quba-Qusar, Mərkəzi-Aran, Lənkəran-Astara bölgəsində yağıntıların intensivləşəcəyi, şimşək çaxacağı, bəzi dağlıq və dağətəyi rayonlarda dolu düşəcəyi ehtimalı var.

Qərb küləyi bəzi yerlərdə arabir 15-18 m/s-dək güclənəcək. Martın 16 və 17-də gecə bəzi dağlıq rayonlarda yolların buz bağlayacağı ehtimalı var.

• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı
• "Azercell" bütün qadınları bu təşəbbüsə qoşulmağa dəvət edir
• Tofiq Əsgərova yüksək vəzifə verildi
• “Onkologiya”dakı hadisə nələri üzə çıxartdı?
• 8 nəfər maksimal bal toplayıb – DİM
• Mehriban Əliyeva İslam Səfərli küçəsindən video paylaşdı