Hindistanda bir aya yaxındır etiraz aksiyası keçirən fermerlər ölkənin şimalındakı Haryana və Pəncab əyalətlərində dəmir yolu nəqliyyatını dayandıraraq yeni etiraz aksiyası keçirirlər.

BUTA.TV xəbər verir ki, bu barədə ANI agentliyi məlumat yayıb.

Etiraz çərçivəsində yüzlərlə fermer bir neçə nöqtədə relslərin üzərinə çıxaraq qatarların hərəkətini pozub. Blokada günorta saatlarında başlayıb və yerli vaxtla saat 16:00-a qədər (Bakı vaxtı ilə 14:30) davam edəcək.

Qeyd edək ki, Hindistanda fermerlər 13 fevralda aksiyaya başlayıb və paytaxta yürüş edib. Lakin Yeni Dehlidən 200 km şimalında dayandırılıb və təhlükəsizlik qüvvələri onlara qarşı su şırnaqları və gözyaşardıcı qazdan istifadə edib. O vaxtdan bəri hakimiyyətlə bir neçə raund danışıqlar aparılıb və bu, razılığa gətirib çıxarmayıb.

Fermerlər kənd təsərrüfatı məhsulları üçün məqbul minimum alış qiymətini təmin edəcək qanunun qəbulunu, risklərin daha yaxşı idarə edilməsi üçün məhsulun kompleks sığortasının tətbiqini, 60 yaşdan yuxarı bütün fermerlərə və kənd təsərrüfatı işçilərinə ən azı 10 min rupi (120 dollar) məbləğində pensiya təyin edilməsini, borcların azaldılmasını, banklara olan borclarının dövlət tərəfindən ödənilməsini, bəzi vergilərin azaldılmasını tələb edirlər.

• Bir məktəbin iki şagirdi maksimum bal topladı
• ADU-da “Heydər Əliyev və Azərbaycan modeli” konfransı...
• Kirayədə yaşayanlara 300 manat cərimə
• Səhhəti pisləşən Aygün Kazımova konsertini təxirə saldı
• Bakıda 7 marşrutun hərəkət sxemi dəyişdirilir - Səbəb
• DOST Agentliyində işləmək istəyənlərin diqqətinə!
• İsmayıllıda sel suları yolu dağıtdı: 4 kəndlə əlaqə kəsildi
• Partlayışda yaralanan, canı ilə çəkişən həkim haqda mühüm fakt