Teleqram kanalları kütləvi şəkildə bloklanır
Teleqram messenceri 187 634 qrup və kanalı bloklayıb.
BUTA.TV xəbər verir ki, bu son həftələrin ən kütləvi bloklama dalğası sayılır.
Fevralın əvvəlindən etibarən Teleqram artıq 2,04 milyon icmaya çıxışı məhdudlaşdırıb. Onlardan 7116-sı terrorizmlə əlaqəli olub.
2026-cı ilin əvvəlindən bloklanan qrup və kanalların ümumi sayı 7,5 milyona yaxınlaşıb. Bu rəqəmə platforma tərəfindən terrorizmlə əlaqəli hesab edilən 27 382 icma da daxildir.
Qeyd edək ki, Teleqramda 2015-ci ildən proaktiv monitorinq sistemi tətbiq olunur. 2024-cü ilin əvvəlində bu tədbirlərə süni intellekt əsaslı moderasiya alətləri də əlavə edilib.
