İsrail Baş naziri Netanyahunun Azərbaycana uzunmüddətli səfəri Bakının ciddi diplomatik irəliləyiş əldə etməsidir.
BUTA.TV xəbər verir ki, bu sözləri erməni politoloq Hrant Mikaelyan yerli mediaya müsahibəsində Netanyahu (7-11 mayda) və Türkiyə lideri Ərdoğanın (10 mayda) Bakıya gözlənilən səfərini şərh edərkən deyib.
“Unutmaq olmaz ki, təxminən bir ay əvvəl ABŞ-ın xüsusi elçisi Stiv Uitkoff Azərbaycanda olub və o, müsahibəsində məşğul olduğu üç münaqişədən, o cümlədən Ermənistan-Azərbaycan münaqişəsindən bəhs edib. Digər tərəfdən, bu yaxınlarda İran prezidenti, əslən azərbaycanlı Məsud Pezeşkian da Bakıda idi və o, Bakıda özünü evdəki kimi hiss etdiyini bildirdi”, - o vurğulayıb.
Mikaelyanın fikrincə, Azərbaycan ABŞ-ın yeni administrasiyası ilə münasibətlər qurur və bu məsələdə İsrail yardımçı olur:
“Eyni zamanda, Azərbaycan Türkiyə ilə İsrail arasında münasibətləri yaxşılaşdırmaq istəyir və bu yaxınlarda Ankara ilə Təl-Əviv arasında görüş Bakıda keçirildi. Ona görə də Ərdoğan və Netanyahunun Azərbaycana gəlişinə bu kontekstdə baxmaq lazımdır. Netanyahu da öz növbəsində Ankara ilə münasibətlərini yaxşılaşdırmaq istəyir”.
Azərbaycan liderinin parallel olaraq 9 mayda Moskvada parada da qatılacağını xatırladan erməni politoloq etiraf edib ki, Azərbaycan diplomatik problemlərini çox uğurla həll edir, nailiyyətləri var və irəliləyir, müəyyən beynəlxalq missiyanı öz üzərinə götürür.
- Gəncə prospektində sürüşmə: Mütəxəssislər hadisə yerində...
- ADU tarixində ilk: beynəlxalq akkreditasiya sertifikatı verildi
- Bakıda yanğın təhlükəli sex bağlandı - Video
- Azərbaycanlıları Türkiyə qanunsuz daşıyan dəstə ələ keçirildi
- 1 milyonluq dələduzluq: məmur oğlu hakim qarşısında...
- Tərtərdə 7 yaşlı qız kanala düşərək boğuldu
- Bazar günü hava necə olacaq?
- Oğurladığı velosipedi 800 manata satan şəxs saxlanıldı