Xəbər verdiyimiz kimi, İsrailin Baş naziri Binyamin Netanyahu mayın 7-də Azərbaycana səfər edəcək. Səfərin ayın 11-dək davam edəcəyi gözlənilir. Eyni zamanda mayın 10-da Türkiyə Prezidenti Rəcəb Tayyib Ərdoğanın Bakıya səfər edəcəyi gözlənilir.
Maraqlıdır, eyni vaxtda həm Netanyahu, həm də Ərdoğan Bakida olacaqlar. Onların Bakıda görüşü mümkündürmü?
BUTA.TV xəbər verir ki, sabiq xarici işlər naziri Tofiq Zülfüqarov Bakupost.az-a açıqlamasında onların Bakıda görüşünün mümkün olduğunu bildirib.
"Ərdoğan və Netanyahunun görüşü istisna olunmur. Güman ki, geniş müzakirələr olacaq. İsrail üçün Türkiyənin mövqeyi çox vacibdir. Ələlxüsus ona görə ki, artıq İsrail və İran arasında ciddi toqquşma ehtimalı çox yüksəkdir. Bu vəziyyətdə Türkiyənin mövqeyi olduqca vacibdir. Ona görə İsrail istər-istəməz Türkiyə ilə bu və ya digər şəkildə məsələləri həll etməlidir".
Qeyd edək ki, “Tayms of İsrail” də Netanyahunun Bakıda Türkiyə Prezidenti Rəcəb Tayyib Ərdoğanla görüşünün gözlənildiyini bildirib.
- Deputat tərəfindən döydürüldüyü deyilən şəxs işdən çıxdı
- Səhər saatlarında Bakıda obyektdə partlayış oldu - Video
- İstifadəyə yararsız döyüş sursatları məhv ediləcək
- Bu şəhərdə işıq olmayacaq
- İranlı nazir Bakıya gəldi
- Müharibə yaxınlaşır: Xamenei şəhid olmağı gözə alıb...
- Çelsi Baxşıyevaya görə FHN-dən qovulan rəisin doğmaları...
- Ramazanın 5-ci günü: Dua, imsak və iftar vaxtı...