Bakıda köhnə, qəzalı vəziyyətdə olan tikililərin söküntüsü davam edir.

BUTA TV Xəzər TV-yə istinadən bildirir ki, Xətai, Sabunçu, Suraxanı rayonlarında söküntü aparılacaq ünvanlar açıqlanıb.

Paytaxtın Sabunçu rayonu ərazisində yerləşən bir neçə qəzalı binanın sökülməsi, o cümlədən Zabrat qəsəbəsi, Babək küçəsi 23, N. Allahverdiyev (keçmiş Frunze) küçəsi 16 və 6-cı Mədən küçəsi 38 ünvanlarında yerləşən binaların sakinlərinə birdəfəlik maddi kompensasiya ödənilərək köçürülməsi barədə müvafiq qurumlar tərəfindən qərar verilib.

Suraxanı rayonu, Xanlar Ələkbərov küçəsi ev 87, Xətai rayonu, Oksigen küçəsi ev 1, Marat Əmirxanov küçəsi ev 14 ünvanında yerləşən istismar müddəti bitmiş qəzalı binalar da söküntü işlərinin başlanacağı ünvanlar siyahısında yer alıb.

Qeyd olunan binalarda mənzillərin sahələrinin müəyyənləşdirilməsi ilə bağlı ölçü işlərinin aparılması Dövlət Şəhərsalma və Arxitektura Komitəsinin əməkdaşları tərəfindən həyata keçirilib. Sabuncu və Xətai rayon İcra Hakimiyyətlərindən bildirilib ki, artıq investorlar cəlb olunub, işlər mərhələlərlə davam etdiriləcək.

Qəzalı binaların sakinləri isə hələlik onlara kompensasiya ilə bağlı konkret söz deyilmədiyini bildirirlər.

Əmlak məsələləri üzrə ekspert Ramil Osmanlı isə deyir ki, söküntü işləri Baş Plana əsasən reallaşdırılır. Söküləcək bəzi binaların yerində isə park, yeni yaşıllıq zonalarının salınması nəzərdə tutulur.

Xətai, Sabunçu, Suraxanı rayonlarında qəzalı bina sakinlərinə ödəniləcək kompensasiyanın məbləğinə gəlincə, ekspert qeyd edib ki, əlavə artırmalar belə, nəzərə alınır. Kompensasiya zamanı dövlət ehtiyacları üçün alınma varsa, 20 faiz əlavə hissə və yaxud məbləğin ödənilməsi ilə bağlı qərar tələb şəklində qoyulub.

Daha ətraflı videomaterialı təqdim edirik:

• NK bu səlahiyyətindən məhrum ola bilər
• Tərxis olunan hərbiçilərin nəzərinə!
• Bakıda 53 yaşlı kişi qətlə yetirildi
• Gəncədə qanunsuz tikili söküldü - Video
• Hərbi xidmətlə bağlı dəyişiklik...
• Balakənin sabiq başçısının həbs müddəti uzadıldı
• Peyvənd vurulan körpə öldü
• Bakıda məşhur klinika 20 min manat cərimələndi - Səbəb