Ermənistanın ərazi bütövlüyünü dəstəkləyən İranın Azərbaycanı Naxçıvana birləşdirən yolla bağlı çox aydın mövqeyi var. İranın eskalasiya riskindən narahatlığı da məhz bu mövzudadır.

BUTA.TV xəbər verir ki, bu sözləri rusiyalı şərqşünas Viktor Nadein-Rayevski İran XİN başçısı Abbas Arakçının Ermənistana səfərini şərh edərkən deyib.

O bildirib ki, Arakçının səfəri zamanı həm regional, həm də geosiyasi proseslərə aid genişspektrli məsələlər müzakirə olunub:

“Maraqlıdır ki, İran tərəfinin kifayət qədər tez-tez istinad etdiyi regional 3+3 formatı məsələsi gündəmə gətirilməyib. Düşünürəm ki, buna səbəb səfərdə əsas diqqətin İrəvan-Bakı münasibətləri məsələsi olmasıdır”.

O hesab edir ki, İran Ermənistanla daha sıx xarici siyasət koordinasiyasını həyata keçirmək istəyir:

“Lakin Ermənistanın Qərblə münasibətləri buna müəyyən qədər mane olub. Baxmayaraq ki, ABŞ-ın yeni prezidentinin administrasiyası Cənubi Qafqazda fərqli siyasət yürüdür və bu, Ermənistanı Rusiya və İranla münasibətlərinə yenidən baxmağa vadar edir. Burada problem yeni administrasiyanın kəskin antiiran mövqeyində olmasıdır. Ümumiyyətlə, Ermənistan-İran münasibətlərinin inkişafı geosiyasi mürəkkəbliyi olan bir prosesdir, lakin bu, xüsusilə Azərbaycan və Türkiyə ilə münasibətlərində problemlər yaşayan Ermənistan üçün çox vacibdir”.

Onun fikrincə, son illər İran vaxtaşırı regiona diqqətəlayiq səfərlər edir və bütün bunlar İranın Cənubi Qafqazda təsirini dərinləşdirməyə yönəlib:

“Bu, həm də Rusiyanın (Cənubi Qafqazda – red.) mövqelərinin zəifləməsi və Türkiyənin daha da güclənməsi ilə bağlıdır. Buna görə də İran imkan daxilində təşəbbüslər göstərir”.

• İlon Maskın "Starlink" peyk interneti Azərbaycanda - QİYMƏTLƏR və ŞƏRTLƏR
• Bakıda beynəlxalq konfrans keçirilir
• Ərdoğanın təklifi: Rusiya müsbət qarşılayacaqmı?
• 13 yaşlı qıza müəllimi, 11 yaşlı qıza əmisi təcavüz edir… - Psixoloq
• Deputatdan sensasion təklif: Xəzərin dibi ilə avtomobil yolu…
• Paytaxt Xankəndiyə köçürülməlidir - Millət vəkili
• Evi uçurdulan vətəndaş şirkətdən 2 milyon istəyib?
• "Müşahidə missiyası" yenə sərhədimizdə - Video