Türkiyədə həbs olunan İstanbul Böyük Şəhər Bələdiyyəsinin (İBB) sədri Əkrəm İmamoğlunun reytinqi dayanmadan artır. Əvvəllər onun haqqında təsəvvürü belə olmayan bir çoxları, indi İmamoğlunu demokratiya müdafiəçisi kimi tanıyırlar.
BUTA.TV xəbər verir ki, bunu erməni türkoloq Muşeq Xudaverdyan deyib. O, İmamoğlunun Türkiyə prezidenti seçilməsi ehtimalında Ankara-İrəvan münasibətlərini dəyərləndirib:
“Ümumiyyətlə Türkiyənin siyasətində ciddi dəyişiklik gözləmək lazım deyil. Əkrəm İmamoğlu prezident seçilsə belə, 1991-ci ildə keçmiş Türkiyə lideri Turqut Özalın hazırladığı sənədin müddəalarına əməl etməyə məcbur qalacaq. O sənəddə Ankaranın İrəvanla münasibətlərinin normallaşmasının Ermənistan-Azərbaycan münasibətlərinin düzəlməsinə bağlı olduğu qeyd edilir. Doğrudur, Əkrəm İmamoğlunun ermənilərə münasibəti müsbətdir. Ancaq nəzərə almalıyıq ki, Ermənistan-Türkiyə sərhədinin açılması məsələsi bu günə qədər heç bir türk liderinin keçmədiyi qırmızı xəttdir”.
Qeyd edək ki, Əkrəm İmamoğlu haqda İBB-yə qarşı aparılan korrupsiya istintaqı çərçivəsində həbs qərarı verilib. O, Silivri cəzaçəkmə müəssisəsinə göndərilib.
Xatırladaq ki, Ə.İmamoğlunun Türkiyədəki erməni icmaları ilə münasibətləri yaxşıdır. O, daha əvvəl ermənilərin sıx yaşadığı kəndlərə gedib və erməni kilsələrini ziyarət edib, burada din xadimləri ilə görüşüb.
- Ermənistan MN-dən qəribə bəyanat: Havaya açılan atəş?..
- Arakçı İrəvanda dəhlizin adını çəkmədi – Niyə?
- Kriştianu Ronaldu Lionel Messini qabaqladı - Argentinalı ilk üçlükdən kənarda qaldı
- Arakçı İrəvanda Paşinyanla görüşdü: Sülh müzakirəsi...
- Pakistandan Azərbaycanla bağlı tapşırıq
- "Dünyanın yarısı Belarusdakı "diktatura"nı arzulayır" - Lukaşenko
- İmamoğlu İrəvandan Ankaraya “qapı” açacaq? – 34 illik sənəd...
- Moskva məhkəməsi vurulan təyyarəmizlə bağlı qərar verdi - Video