İlham Əliyev Ukraynanın yox, Azərbaycanın prezidentidir.
BUTA.TV xəbər verir ki, bunu Ukrayna Milli Antiböhran Qrupunun idarəedici partnyoru Taras Zaqorodnı Feysbuk səhifəsində SOCAR-ın Ukraynada boykot edilməsi çağırışlarını şərh edərkən deyib.
"Azərbaycana qarşı irəli sürülən iddiaların mahiyyətini başa düşə bilmirəm. Əliyev Ukraynanın yox, Azərbaycanın prezidentidir. O öz millətinin mənafeyindən çıxış edir.
Əliyev 20 il ərzində ölkəsini modernləşdirərək, onu Rusiyanın dəstəyi ilə 90-cı illərdən başlayan və Azərbaycan ərazisinin 20%-ni əhatə edən erməni işğalından azad edib.
Bu gün Azərbaycan elə mövqedən çıxış edir ki, hətta Putin Ermənistanı dəstəkləməkdən imtina etmək bahasına bunu nəzərə almağa məcburdur. Genişmiqyaslı işğalın başlanmasından bəri Azərbaycan sistematik olaraq Ukraynaya humanitar yardım, o cümlədən yanacaq şirkəti olan SOCAR-ın dəstəyini göstərib və indi çoxları tərəfindən haqsız olaraq tənqid olunur. Deməli, indi Avropada Rusiya kapitalı üçün yumşaq ofşor olmasına görə bizə F-16-lar verən Niderlanda nifrət etməliyik?
Yoxsa Çinlə ticarət edən ABŞ-a? Yoxsa Rusiya hərbi gəmilərinin Qara dənizə keçidini əngəlləyən, eyni zamanda Rusiya ilə ticarətini davam etdirsə də, Odessanın mümkün işğalının qarşısını alan Türkiyəyə?
Primitiv “qazan-xəyanət” kateqoriyalarında düşünməyi dayandırmalıyıq. Dünya göründüyündən qat-qat mürəkkəbdir. Uzunmüddətli maraq və siyasət haqqında düşünmək, populist şüarlara boyun əyməmək vacibdir. Bu cür yanaşmaların nəticələrini artıq ötən əsrin əvvəllərində gördük və bunun sonu pis bitdi", - o bildirib.
- Bu uşaqlara 6000 manat birdəfəlik müavinət veriləcək
- Gürcü Arzusu Maydan istəyir: Bu, onun nəyinə lazımdır?
- Mikaelyan sərhəddən video yaydı: Döyüşə hazırıq!
- İmamoğlunun “itib-batan” Bakı səfərinin sensasion detalı - Video
- Qorxurlar ki, İlham Əliyevi “İlin adamı” seçsələr...
- Paşinyanın Peterburq xahişinin sensasion səbəbi
- Mirzoyan Finlandiya prezidentinə Bakı ilə sülhdən danışdı
- KTMT Qarabağda İrəvanın tərəfində vuruşmamalı idi...