İran Müdafiə Nazirliyinin nümayəndə heyəti Rusiyaya səfər edib. Ona “Hatəm əl-Ənbiya” bazasının mərkəzi qərargahının koordinator müavini, briqada generalı Əli Şademani rəhbərlik edib.

BUTA.TV xəbər verir ki, bu barədə İRNA məlumat yayıb.

Bildirilib ki, nümayəndə heyəti Rusiya Müdafiə Nazirliyinin dəvəti ilə “Ordu-2024” Beynəlxalq Hərbi-Texniki Forumunun açılış mərasimində iştirak etmək üçün Moskvaya gəlib.

Səfər çərçivəsində Şademani Rusiya Müdafiə Nazirliyinin yüksək vəzifəli şəxsləri ilə görüşəcək, həmçinin “Ordu-2024” Beynəlxalq Hərbi-Texniki Forumunda təqdim olunan ən son hərbi texnologiyalarla tanış olacaq.

Bundan əlavə, briqada generalı digər ölkələrin yüksək rütbəli hərbi nümayəndə heyətləri ilə də görüşlər və məsləhətləşmələr keçirəcək.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi