Hazırda tikinti bazarında bir çox materialların qiymətində bahalaşma müşahidə olunur. İlin əvvəlindən fərqli olaraq, qiymət artımı yay dövründə daha çox nəzərə çarpır. Ən çox bahalaşma kosmetik tikinti materiallarında (divar kağızı, müxtəlif boyalar, aqlay və s.) özünü göstərir. Satıcılar bunu müxtəlif səbəblərlə izah edirlər. Bəs görəsən, tikinti materiallarında nəzərə çarpan qiymət artımının başlıca səbəbləri nədir?

Mövzu ilə bağlı danışan iqtisadçı-ekspert Asif İbrahimov bildirib ki, bahalığın səbəbi idxal və istehsal zamanı çəkilən xərclərin artımı ilə bağlıdır:

“Ümumiyyətlə bildiyiniz kimi, hər hansı bir xidmətin yekun qiyməti onun ərsəyə gəlməsində çəkilən xərclərin miqdarından asılıdır. Həmin məhsulun riyalizə edilməsində çəkilən xərclər çoxdursa, deməli yekun qiymət də ona uyğun və müvafiq olaraq yüksək olur. Son dövrlərdə həm daxili, həm də xarici faktorlara əsasən qiymətlərdə oynamalar müşahidə olunur. İstehsal olunan inşaat materialı yerli məhsuldursa, təbii ki, onların hamısının xam malı Azərbaycanda əldə olunmur. Kənardan gətirilir və idxal olunur. İdxal zamanı da qiymətlərdə müəyyən bahalaşmalar müşahidə olunur. Onun daşınmasında, saxlanmasında xeyli xərclər çəkilir”

Ekspertin fikrincə, daşınmalar zamanı çəkilən xərclərin qiyməti azalarsa, bu tikinti materiallarının qiymətinə də təsir edər:

“Son vaxtlar məlum olduğu kimi yanacaq qiymətlərində də artım müşahidə olunmağa başladı. Bütün bunlar xaricdən gətirilən materiallara da şamil olunur. Post-pandemiya dönəmində bir çox yeni lisenziyalar, icazələr və yükdaşımalarında qiymət fərqləri meydana çıxdı. Bunların hər biri yekun məhsulun qiymətinə təsir göstərməyə başladı. Çəkilən xərclər yüksəldiyinə görə bu birmənalı şəkildə bütün məhsul siniflərində davam edir. Əgər ölkə daxilində biz buna düzgün şəkildə yanaşsaq, bu qiymətlərdə bahalaşmalar müşahidə olunmayacaq. Məsələn, istər hava, istər quru, istərsə də su yolu ilə daşınmaların qiymətləri ucuzlaşarsa, qiymət artımının qarşısı alına bilər”.

• Elman Paşayevin evindən külli miqdarda pul götürüldü
• Deputatlarımız gələn ay İrəvana gedəcək?
• “Baku Elektroniks”dən MİSİLSİZ FIRILDAQ: 4 min manata satdığı telefon… FOTO
• Hizbullahın zəifləməsi ilə Suriyada savaş alovlandı
• İrəvan Tiflisdən fərqli yol tutub: Bakı nə deyirsə… - Köçəryan
• Şok: İsrail Suriyaya irəliləyir - Türkiyə ordusu girəcək?
• Qrehemdən inanılmaz: ABŞ Ukraynada sərvət uğrunda vuruşur
• Paşinyan “O olmasın, bu olmasın”ı dinlədi - Video