Anasının başqa kişi ilə ailə qurmasını istəməyən oğul onu qətlə yetirib.

Belə ki, universitetlərdən birində təhsil alan Xaləddin (Adlar şərtidir) imtahana hazırlaşırmış. Atası öldükdən sonra onu təkbaşına böyüdən anası Şahanə isə oğlunun gələcəyinə böyük ümid bəsləyirdi. Amma Xaləddin anasından şübhələnməyə başlayıb. Şahanə işdən evə yorğun gəlir, öz otağında kiminləsə telefonda söhbət edir, gah da görüntülü danışırdı. O, şəxsi həyatını yaşamaq üçün hələ də gec olmadığını düşünürdü. Lakin bütün bunlar Xaləddinin gözündən yayınmır və onu getdikcə qıcıqlandırırdı.

Bir gün Şahanənin tanışı Rafiq onlara qonaq gəlir. Şahanə onu oğlu ilə tanış etmək istəyərkən, Xaləddin qəzəblənərək öz otağında gizlənir. Şahanə isə Rafiqə "fikir vermə, başa düşəcək" deyir və onlar mətbəxə keçib, söhbət edirlər.

Ertəsi gün səhər saatlarında Xaləddin evdən çıxıb anasının arxasınca gedir. Addım-addım izləyib görür ki, anası işə getmək əvəzinə kafedə Rafiqlə görüşür. Onlar isə münasibətlərini rəsmiləşdirmək haqqında danışırdılar.

Xaləddin gecəni yuxusuz keçirir və anası evdən çıxmazdan əvvəl onun Rafiqlə son yazışmasını oxuyur. O, mesajlardan onların rəsmi nikaha daxil olmağa getdiklərini anlayır. Xaləddin qərar verir ki, buna imkan verməsin.

Xaləddin anasının mənzildən çıxıb həyətə düşməsini izləyir. Sonra mətbəxdən bıçaq götürüb, onun arxasınca gedir. Anasına çatıb gətirdiyi bıçaqla ard-arda zərbələr endirərək onu qətlə yetirir. O, hadisə yerindən qaçsa da, bir neçə gün sonra polis əməkdaşları tərəfindən həbs olunur.

• Emin Ağalarovun ev bağışladığı qazi nələr danışdı? - Video
• Bakıda iki nəfərin ölümü: qatarın işığı yanmayıb? - Video
• 300-dən çox məscid, 500-ə yaxın qəbristanlıq məhv edilib - QAİ
• Ölkədə unun yeni qiyməti bəlli oldu - Siyahı
• "Sahil" metrosu qarşısındakı izdihamla bağlı rəsmi açıqlama
• Badamdarda uçqun təhlükəsi aradan qaldırıldı
• "Sahil" metrosu qarşısında böyük izdiham - Foto
• Ölkədə milli standartlaşdırma ilə bağlı yeni proqram