ABŞ-da prezidentliyə namizəd Robert Kennedi qondarma “erməni soyqırımı”nın ildönümü münasibətilə etdiyi çıxışda Azərbaycana qarşı saxta ittihamlar və böhtanlar yağdırıb.

BUTA.TV xəbər verir ki, o, Qarabağı “artsax” adlandırıb və dövlətimizi “etnik təmizləmə”də günahlandırıb:

“Artsax”da “etnik təmizləmə”dən sonra Azərbaycan rejimi Ermənistanı növbəti ərazi güzəştlərinə məcbur etmək üçün oranın mülki siyasi “rəhbərliyi”ni, keçmiş “prezidentləri, nazirləri və parlament üzvlər”i, eləcə də onlarla başqa insanı girov saxlayır. Rejim Ermənistanın ərazi sərhədləri daxilində bir neçə şəhər və kəndi təhvil verməyəcəyi təqdirdə oranı işğal etməklə hədələyir. Bu gün Azərbaycan buldozerləri “artsax”da erməni irsinin qalıqlarını məhv edir. 1915-ci il “erməni soyqırım”ı beynəlxalq səviyyədə qınanmasa, yaxın həftələrdə və aylarda yenidən baş verəcək”.

Kennedi hökuməti Azərbaycana qarşı sanksiya tətbiqinə çağırıb:

“Biz yerli ermənilərin “artsax”a qayıtması üçün təhlükəsiz yol tapılması, Azərbaycanı girovların azad edilməsinə çağırmalı və sanksiyalar tətbiq etməklə məsuliyyətə cəlb etmək üçün indi hərəkətə keçməliyik. Bu gün biz “erməni soyqırımı”nın törədilməsinin 109-cu ildönümünü qeyd edirik. Ancaq ermənilər hələ də acınacaqlı vəziyyətdədir. Biz “etnik təmizləmə”yə son qoymaq və ermənilərin öz müqəddəratını təyinetmə hüququnu qorumaq üçün öhdəliyimizi təsdiqləməliyik”.

Qeyd edək ki, heç vaxt prezident olmayacaq bu prezidentliyə namizəddən ermənilər öz təbliğatları üçün istifadə edir, hazır mətni bu adama oxudur və yayırlar. Bunun müqabilində Kennedinin erməni lobbisindən külli miqdarda rüşvət aldığına heç bir şübhə yoxdur.

• İrandan 55 kq narkotikin keçirilməsinin qarşısı alındı - Foto
• Malların gömrük dəyəri milli valyuta ilə bəyan ediləcək
• NFC ödənişi zamanı hesabdan silinmənin gecikməsi... - Rəsmi
• Prezidentin təltif etdiyi Fərəcov məşhur “91-lər”dəndir
• Gömrüyə gətirilən avtomobillərlə bağlı yeni qayda...
• Bir vəkilə töhmət verildi, digərinə xəbərdarlıq edildi
• Cərimə ilə yanaşı, alternativ cəza da tətbiq oluna bilər
• Temperatur 26 dərəcəyə yüksələcək