Rusiya Prezidenti Vladimir Putin və Ermənistanın Baş naziri Nikol Paşinyan qısa müddətdə müxtəlif məsələləri, o cümlədən Rusiya sərhədçilərinin ölkəni tərk etməsini şəxsən müzakirə edə biləcəklər.

BUTA.TV xəbər verir ki, bunu Kremlin mətbuat katibi Dmitri Peskov deyib.

Gümrüdəki Rusiya hərbi bazası ilə bağlı sualı cavablandıran Peskov deyib ki, bazanın Ermənistan ərazisindən çıxarılması ilə bağlı İrəvandan heç bir siqnal gəlməyib.

Qeyd edək ki, Ermənistan Baş naziri Nikol Paşinyan Azərbaycanla həmsərhəd Tavuş vilayətində vəziyyətin dəyişməsi ilə bağlı Rusiya sərhədçilərinin postlarının geri alınacağını bildirmişdi.

Xatırladaq ki, Ermənistan-Rusiya ikitərəfli əməkdaşlığı çərçivəsində 2021-ci ildə Tavuş vilayətində Azərbaycanla sərhəddə Rusiya sərhəd mühafizə postları yerləşdirilmişdi.

• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı
• "Azercell" bütün qadınları bu təşəbbüsə qoşulmağa dəvət edir
• Tofiq Əsgərova yüksək vəzifə verildi
• “Onkologiya”dakı hadisə nələri üzə çıxartdı?
• 8 nəfər maksimal bal toplayıb – DİM
• Mehriban Əliyeva İslam Səfərli küçəsindən video paylaşdı