Qarabağ Universiteti ilə bağlı proseslər davam edir. Artıq proqram rəhbərləri seçilib, bu həftə ərzində işə qəbul olunacaqlar.

BUTA.TV xəbər verir ki, bu fikirləri Azərtac-a açıqlamasında elm və təhsil naziri Emin Əmrullayev deyib.

O bildirib ki, Qarabağ Universiteti ilə bağlı müxtəlif proqramların məzmunu, tədris planı hazırlanır:

“Dövlət İmtahan Mərkəzi ilə razılaşdırılıb, artıq qəbul planı tam hazırdır. Universitetdə 6 fakültədə 10-dan artıq ixtisas üzrə tədris aparılacaq. İnfrastruktur istiqamətində də işlər davam edir”.

Nazir Qarabağ Universitetində əlavə vakant yerlərin açılacağını da diqqətə çatdırıb:

“Həmin ərazilərə köçürüləcək insanlar üçün texniki vakant yerlər, bütün ölkə üçün isə akademik vakant yerlər açılacaq”.

Xatırladaq ki, Prezident İlham Əliyev 2023-cü il noyabrın 11-də “Qarabağ Universitetinin yaradılması haqqında” Sərəncam imzalayıb. Sərəncama əsasən, Xankəndi şəhərindəki ali təhsil müəssisəsinin əsasında Elm və Təhsil Nazirliyinin tabeliyində “Qarabağ Universiteti” publik hüquqi şəxs yaradılıb.

• DOST Agentliyində işləmək istəyənlərin diqqətinə!
• İsmayıllıda sel suları yolu dağıtdı: 4 kəndlə əlaqə kəsildi
• "Azərsun Holdinq" cəmiyyətin təşviqinə dəstəyini davam etdirir
• Partlayışda yaralanan, canı ilə çəkişən həkim haqda mühüm fakt
• Ağdamda ağır qəza: ölənlər var
• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı