Bu ilin birinci rübünün makro-iqtisadi yekunlarında 2 mühüm məqam diqqəti çəkir. Birincisi, iqtisadi artım daha çox qeyri-neft-qaz sektoru hesabına formalaşır. Belə ki, qeyri-enerji sektorundakı 6.7 faizlik artım ÜDM-də 4.0 faiz artıma səbəb olub. İkincisi, neft-qaz sektoru stabilləşmə mərhələsinə qədəm qoya bilər. Belə ki, uzunmüddətdli azalmadan sonra enerji sektorundan 0.4 faiz artım qeydə alınıb.

BUTA.TV xəbər verir ki, bu barədə millət vəkili, iqtisadçı alim Vüqar Bayramov qeyd edib.

Onun sözlərinə görə, bu, eyni zamanda iki digər mühüm nəticəyə gəlməyə əsas verir:

“Birincisi, qeyri-neft sektorunun inkişafı ilə bağlı islahatların dərinləşməsi prioritetliyi daha da güclənb. Çünki artıq yeni mərhələdə ÜDM artımı qeyri-enerji sektorundakı dəyişikliklərdən birbaşa asılı olacaq.

Digər tərəfdən, ÜDM ilə yanaşı ümumi ixracat və fiskal gəlirlərdə də qeyri-enerji sektorunun payının artırılması vacibdir. Praktik olaraq, iqtisadi artımda drayverə çevrilən qeyri-neft-qaz sektoru digər makro-iqtisadi göstəricilərdə də xüsusi paya malik ola bilər. İkincisi, neft sektorunda yaranan dəyərə hasilat ilə yanaşı “qara qızılın” qiyməti birbaşa təsir göstərir. Bu da bu sektorda hasilatın tam stabilləşməsini daha da aktuallaşdırır”.

• Səhhəti pisləşən Aygün Kazımova konsertini təxirə saldı
• Bakıda 7 marşrutun hərəkət sxemi dəyişdirilir - Səbəb
• DOST Agentliyində işləmək istəyənlərin diqqətinə!
• İsmayıllıda sel suları yolu dağıtdı: 4 kəndlə əlaqə kəsildi
• Partlayışda yaralanan, canı ilə çəkişən həkim haqda mühüm fakt
• Ağdamda ağır qəza: ölənlər var
• Bu marşrut avtobusları yenilənir
• 257 saylı məktəbdə nə baş verir? - DİN