Brüsseldə keçirilməsi planlaşdırılan görüş Ermənistanda aparılan islahatlara, demokratiya və iqtisadiyyata həsr olunacaq. Görüş zamanı Ermənistan-Azərbaycan sülh prosesi müzakirə olunmayacaq.
BUTA.TV xəbər verir ki, bu barədə ABŞ Dövlət Departamentinin sözçüsü Metyu Miller brifinq zamanı Brüsseldə keçiriləcək danışıqlara Azərbaycan tərəfinin dəvət edilib-edilməməsi ilə bağlı sualı cavablandırarkən bildirib.
“Bu görüş Ermənistanda gedən islahatlara, ölkənin demokratiyasına, iqtisadiyyatına və canlılığına həsr olunub. Həmin görüşdə sülh prosesi müzakirə mövzusu deyil. Bu, iqtisadiyyatın şaxələndirilməsi, humanitar yardım, qaçqınlara dəstək və Ermənistanda demokratiya və qanunun aliliyi kimi sahələrdə siyasi islahatlara dəstək məsələlərini müzakirə etmək üçün ABŞ, AB və Ermənistan arasında görüşdür. Bu məsləhətləşmənin regional diqqəti yoxdur”, - Miller bildirib.
Qeyd edək ki, görüşün 5 apreldə keçirilməsi nəzərdə tutulub.
- Bakıda və bölgələrdə külək güclənəcək - Xəbərdarlıq
- ABB-nin tərəfdaşlığı ilə Beynəlxalq Xalça Festivalı başlandı!
- WUF13: Lənkəranda məlumatlandırma sessiyası... - Foto
- Bu müəssisənin fəaliyyəti dayandırıldı - Video
- Prezidentin qızları və gəlini İncəsənət Məktəbində - Foto
- Ötən gün həyatını itirən həkimin ölüm səbəbi bilindi
- Tovuz sakini dəm qazından boğularaq öldü
- Bakıda itkin düşən kişinin meyiti göldə tapıldı