ABŞ və Böyük Britaniya səfirliklərinin öz vətəndaşlarını Moskvadakı ticarət mərkəzinə getməməyə çağırması onların kəşfiyyat xidmətlərində mümkün terror aktları ilə bağlı məlumatın olduğunu göstərir.
BUTA.TV xəbər verir ki, bu sözləri Serbiya Prezidenti Aleksandar Vuçiç deyib.
Onun sözlərinə görə, martın 7-də Amerika səfirliyi vətəndaşları Moskvadakı ticarət mərkəzlərinə getməməyə çağırıb:
“Bəzi başqa səfirliklər bunu sonradan ediblər. Bu o deməkdir ki, onların xidmətləri müəyyən söhbətləri ələ keçirib və onlar bunun baş verəcəyini bilirdilər. İstənilən halda, bu, faciəvi bir hadisədir, nəticəsi ölçülməzdir. Biri deyəcək ki, islamçılar edib, kimsə deyəcək ki, Kiyev. Bəziləri hətta deyəcək ki, bunu Moskva özü edib. Bununla belə, Ukraynada münaqişənin daha da genişlənəcəyi, ümumi müharibəyə yaxınlaşacağı şübhəsizdir. Görək, Bortnikov terror aktları ilə bağlı nə deyəcək. Terrorçuların İnquşetiyadan, Dağıstandan, hətta Ukraynadan olması heç nə demək deyil, əsas odur ki, təşkilatçı kimdir”.
O, terror hadisəsinə görə Rusiyaya başsağlığı da verib.
- Kürün səviyyəsi artdı, kəndlərdə torpaqlar su altında qaldı
- Bu ailələrə uşaqpulu belə ödəniləcək - Yeni qayda
- Sabah ölkəyə dolu düşəcək, şimşək çaxacaq
- Bakı hazırdır: Nəqliyyatın iş qrafiki və qaydalar...
- Ailə üzvlərini öldürən Əhməd yenə cinayət törədib? - Səs yazısı
- Qanunsuz saxlanılan 7 silah aşkarlandı
- Bəzi yollarda görünüş məsafəsi məhdudlaşacaq
- Bu ölkə ilə həftəlik uçuşlarımızın sayı 10-a çatır