Gürcüstandan Rusiya sərhədinə gedən Mtsxeta-Stepantsminda-Lars beynəlxalq avtomobil yolu bütün növ nəqliyyat vasitələri üçün bağlanıb.

BUTA.TV xəbər verir ki, bu barədə Gürcüstan Avtomobil Yolları Departamenti məlumat yayıb.

Buna ölkənin əksər bölgələrinə güclü qar yağması, görmə məsafəsinin azalması və yolların buz bağlaması səbəb olub. Milli Ətraf Mühit Agentliyinin məlumatına görə, qar uçqunu riski yüksəkdir.

Agentlik xəbərdarlıq edir ki, martın 16-17-də Gürcüstan ərazisində güclü qar, yağış yağacaq, torpaq sürüşməsi, qar uçqunu təhlükəsi artacaq.

Yerli sakinlərin sözlərinə görə, hazırda beynəlxalq avtomagistralda Azərbaycan, Gürcüstan, Ermənistan, Türkiyə, Rusiya, Qazaxıstan və digər ölkələrə məxsus 500-dən çox avtomobil dayanıb.

Yerli polis sürücülərə və yolda qalan digər insanlara yardım göstərir.

• Əli Həsənovun ərindən ayrılan qızı Dubayda nə iş görür?
• 27 sentyabr müşavirəsi: Nəcməddin buna etiraz edir...
• Səttar Möhbalıyevin oğlunun Dubaydakı mülkləri - FOTO
• Gədəbəyin prokurorunun xanımına nazirlikdə vəzifə verildi
• Müdafiə Nazirliyi həftəlik icmalını təqdim etdi - Video
• Rusiyadan Bakıya uçan təyyarə Qazaxıstana təcili eniş etdi
• Bu rayonlara yağış yağıb – Faktiki hava
• 29 mindən çox şagird Azərbaycan dilindən imtahan verir