Siyasi məsələlər həll olunarsa, Ermənistan Azərbaycandan qaz idxal etməyə hazırdır.

BUTA.TV xəbər verir ki, bu barədə Ermənistanın ərazi administrasiyası nazirinin müavini Akop Vardanyan Tiflisdə “İpək Yolu” forumunda çıxışı zamanı bildirib.

O, sovet dönəmində ölkəsinin belə bir təcrübəsi olduğunu xatırladıb:

"Bizim Sovet illərində bu cür təcrübəmiz olub. Biz qazı Azərbaycandan alırdıq, bizim Azərbaycandan üç nəhəng qaz kəmərimiz var idi və biz indi ölkələrimiz arasında siyasi məsələ həll olunduğu təqdirdə bu kəmərləri bərpa edə bilərik. Biz həm də Azərbaycandan Avropaya qaz nəqlində tranzit ölkə ola bilərik, eyni şey elektrik enerjisinə də aiddir", - Vardanyan bildirib.

Vardanyan həmçinin qeyd edib ki, Ermənistan Azərbaycandan Türkiyəyə və əksinə elektrik enerjisinin nəqli və ixracında, yaxud hər iki ölkəyə, eləcə də İran və Gürcüstan arasında elektrik enerjisi nəqlində rol oynaya bilər.

• Kirayədə yaşayanlara 300 manat cərimə
• Səhhəti pisləşən Aygün Kazımova konsertini təxirə saldı
• Bakıda 7 marşrutun hərəkət sxemi dəyişdirilir - Səbəb
• DOST Agentliyində işləmək istəyənlərin diqqətinə!
• İsmayıllıda sel suları yolu dağıtdı: 4 kəndlə əlaqə kəsildi
• Partlayışda yaralanan, canı ilə çəkişən həkim haqda mühüm fakt
• Ağdamda ağır qəza: ölənlər var
• Bu marşrut avtobusları yenilənir