Qəzzada valideynlər uşaqlarının bədənlərinə adlarını yazırlar ki, aviazərbələr zamanı ölsələr, onları tanıya bilsinlər.

BUTA.TV xəbər verir ki, bu barədə CNN-ə Qəzzadakı “Əl-Əqsa Şəhidləri” xəstəxanasının həkimi Əbdülrəhman əl-Əsri deyib.

“Uşaqların ayaqları və qarınlarına adlarının yazıldığı bir neçə halla rastlaşmışıq. Valideynlər narahatdır ki, hər şey ola bilər və heç kim uşaqlarını tanıya bilməyəcək. Bu o deməkdir ki, onlar hər an qurbana çevrilə və yaralana və ya işgəncəyə məruz qala biləcəklərini hiss edirlər”, - həkim bildirib.

Adının açıqlanmasını istəməyən bir nəfər də kanala açıqlamasında oxşar halla rastlaşdıqlarını deyib:

“Bir çox valideyn övladlarının adını ayaqlarına yazır ki, hava hücumlarından onları tanısınlar. Bu, Qəzza zolağında başlayan yeni fenomendir. Bir çox uşaq itkin düşüb. Bir çoxu bura kəllə sümüyünün qırılması ilə gətirilir. Onları müəyyən etmək mümkün deyil, yalnız bu yazılarla onların kimliyi müəyyən edilir”.

• İsmayıllıda sel suları yolu dağıtdı: 4 kəndlə əlaqə kəsildi
• "Azərsun Holdinq" cəmiyyətin təşviqinə dəstəyini davam etdirir
• Partlayışda yaralanan, canı ilə çəkişən həkim haqda mühüm fakt
• Ağdamda ağır qəza: ölənlər var
• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı
• "Azercell" bütün qadınları bu təşəbbüsə qoşulmağa dəvət edir