Azərbaycan Respublikası dəniz sərhədlərinin еtibаrlı mühаfizəsinin təmin edilməsi, Хəzər dənizində rеjim qаydаlаrınа nəzаrətin gücləndirilməsi və qaçaqmalçılığa qarşı mübarizə üzrə zəruri tədbirlər dаvаm еtdirilir.

Bu barədə BUTA.TV-a DSX-nin Mətbuat Mərkəzindən məlumat verilib.

Bildirilib ki, sentyabr ayının 28-29-da Dövlət Sərhəd Xidmətinin Sahil Mühafizəsinin qüvvə və vasitələrinin qarşılıqlı fəaliyyəti nəticəsində, Xəzər dənizinin cənub istiqamətində İran İslam Respublikasından qaçaqmalçılıq yolu ilə Azərbaycan Respublikasına narkotik vasitələrin keçirilməsinin qarşısı alınıb.

Keçirilən tədbirlər nəticəsində Şirvanlı kəndi istiqamətində və Salyan reydində sənayə üsullu lövbərə bağlanılmış 2 ədəd kisədə ümumi çəkisi 21 kiloqram 660 qram оlаn nаrkоtik mаddə marixuana аşkаr olunub.

Oktyabr ayının 15-də Xəzər dənizinin cənub istiqamətində İran İslam Respublikasından qaçaqmalçılıq yolu ilə Azərbaycan Respublikasına tütün məmulatlarının gətirilməsinin qarşısı alınıb və keçirilmiş tədbirlər nəticəsində Ələt reydində “Orta Daş” adası istiqamətində ümumillikdə 71 ədəd bağlamada (21300 ədəd “Marlboro”, 21800 ədəd “Kent”, 8798 ədəd “Parlament”, 17270 ədəd “Milano”) 69 168 ədəd siqaret aşkar edilərək götürülüb.

Hər iki fakt üzrə əməliyyаt-istintaq tədbirləri dаvаm еtdirilir.

• Nərimanovda bu mənzillərin satışı davam edir! - "Kristal"
• Sabirabadda Kür çayı məcrasından çıxdı
• Partlayışda yaralanan həkim dünyasını dəyişdi
• Zakir Fərəcov vətəndaşlarla görüşdü
• Bir qəpik də ödəmədən 117 min kv.metrlik torpaq aldı - Foto
• İlham Haqverdiyev məhkəmə zalından azadlığa buraxıldı
• Bu məktəblərdə mərkəzləşdirilmiş imtahanlar keçiriləcək – İlk dəfə
• Şahin Bağırov dövlətə ödənilən 6 milyarddan danışdı