Oktyabrın 7-də HƏMAS qüvvələrinin İsrailə hücumundan sonra ABŞ-ın Şərqi Aralıq dənizinə iki ədəd aviadaşıyıcı göndərməsi Türkiyədə əsl gündəmə çevrilib.

BUTA.TV xəbər verir ki, türkiyəli hərbi ekspert, yazar Cihad Yaycı ABŞ-ın bununla bağlı bir neçə planının olduğunu deyib.

“ABŞ-ın iki ədəd aviadaşıyıcısı gəlir. Bu da 300-ə yaxın son model təyyarə (qırıcı – red.) deməkdir. HƏMAS-ın Qəzzada nə hava, nə quru, nə də dəniz qüvvələri var. İsrailin isə hava, quru, dəniz qüvvələri olduğu halda, ABŞ-ın iki ədəd aviadaşıyıcısı niyə regiona gəlir? Zatən 300 son model təyyarə ilə Qəzzanı yerlə-yeksan etmək olar. O regiondakı dövlətlərin əlində bu qədər təyyarə yoxdur. Plan isə belə nəticələnəcək. İsrail Qəzza zolağının ya hamısını, ya da bir hissəsini işğal edəcək. Hizbullahın hücumunu bəhanə edərək isə Livandan ərazi alacaq. Suriyadan da artilleriya atəşləri olur deyə, bu ölkənin cənubuna da müdaxilə edəcəklər. Bu genişmiqyaslı müdaxilələrə də ABŞ həmin hərbi təyyarələri ilə yardım edəcək. İsrail bu vəziyyətdən böyüyərək (ərazi olaraq – red.) çıxacaq”.

Onun sözlərinə görə, ABŞ-ın aviadaşıyıcılarını regiona göndərməsinin digər səbəbi də Türkiyənin Suriyadakı hava hərəkatıdır:

“ABŞ bunun əleyhinə olduğunu dedi. Bundan başqa, YPG/PKK-ya da dəstək verəcəklərini dedilər. Bu dəstəyi PUA-mızı vurmaqla bir daha bəyan edən ABŞ Türkiyənin hava əməliyyatlarına buraya gətirdiyi çox böyük hava gücü ilə mane ola bilərmi? Sual budur”.

• İlham Haqverdiyev məhkəmə zalından azadlığa buraxıldı
• Bu məktəblərdə mərkəzləşdirilmiş imtahanlar keçiriləcək – İlk dəfə
• Şahin Bağırov dövlətə ödənilən 6 milyarddan danışdı
• Bayırşəhərdə 106 abidə qorunacaq - Fariz Hüseynli
• Bu mallardan dövlətin xeyrinə imtina oluna bilinəcək
• İrandan 55 kq narkotikin keçirilməsinin qarşısı alındı - Foto
• Malların gömrük dəyəri milli valyuta ilə bəyan ediləcək
• NFC ödənişi zamanı hesabdan silinmənin gecikməsi... - Rəsmi