Ermənistan Müdafiə Nazirliyinin 2-ci ordu korpusunda xidmət edən əsgərlərə qarşı qeyri-insani davranışlar edilir.

BUTA.TV xəbər verir ki, bu barədə erməni mətbuatı məlumat yayıb.

Əsgərlərin valideynlərindən biri erməni mətbuatına açıqlamasında deyib ki, komandirlər əsgərləri döyürlər, amma 2-ci ordu korpusunun komandiri Qaregin Poqosyan səs-küy qalxmasın deyə, insidenti ört-basdır etməyə çalışır.

“Valideynlər ordudakı təcavüzkarlıqdan danışmağa qorxur. Qagik Poqosyanın təyinatından sonra tam anarxiya hökm sürür. Oğlum iki aydır postdan düşmür. Bunun səbəbini soruşanda isə deyirlər ki, əsgəri əvəz edəcək heç kim yoxdur”, - erməni əsgərin valideyni bildirib.

Başqa bir valideynin sözlərinə görə, əsgərlər qeyri-insani şəraitdə xidmət aparırlar:

“İkinci ordu korpusunun komandiri Qaregin Poqosyan əsgərin həyatını əsl cəhənnəmə çevirib. Əsgərlər növbə ilə döyülür, Poqosyan isə hərbi polisə məlumat verməmək üçün insidenti gizlədir. Əsgərlər xidməti yerlərindən aylardır dəyişdirilmir. Məzuniyyətə isə Müdafiə Nazirliyində tanışı olanlar buraxılır. Atasının Müdafiə Nazirliyində tanışı olan əsgərlərdən biri bir neçə ay İrəvandakı hospitalda qaldı. Ondan soruşanda isə cavab verdi ki, başı ağrıyır. Budur bizim ordunun vəziyyəti”.

• Bayırşəhərdə 106 abidə qorunacaq - Fariz Hüseynli
• Bu mallardan dövlətin xeyrinə imtina oluna bilinəcək
• İrandan 55 kq narkotikin keçirilməsinin qarşısı alındı - Foto
• Malların gömrük dəyəri milli valyuta ilə bəyan ediləcək
• NFC ödənişi zamanı hesabdan silinmənin gecikməsi... - Rəsmi
• Prezidentin təltif etdiyi Fərəcov məşhur “91-lər”dəndir
• Gömrüyə gətirilən avtomobillərlə bağlı yeni qayda...
• Bir vəkilə töhmət verildi, digərinə xəbərdarlıq edildi