Rusiya Ermənistandakı səfirini Baş nazir Nikol Paşinyanın “2020-ci ildə Ermənistana qarşı 44 günlük müharibənin hazırlanmasında iki KTMT ölkəsi iştirak edib” açıqlamasına görə geri çağırıb. Paşinyan “2 dövlət” dedikdə Rusiya və Belarusu nəzərdə tutub.

BUTA.TV xəbər verir ki. bu sözləri politoloq Elxan Şahinoğlu bildirib.

Onun sözlərinə görə, Paşinyanın bu açıqlaması Kreml sahibi Vladimir Putinin narazılığına səbəb olub və Rusiya prezidentinin təlimatıyla xarici işlər naziri Sergey Lavrov nümayişkaranə şəkildə Sergey Kopırkini müvəqqəti geri çağırıb:

“Vladimir Putin Nikol Paşinyanın son açıqlamasıyla “qırmızı çizgiləri” aşdığı qənaətindədir. Putin Paşinyana xatırladıb ki, müharibənin qızğın çağında ona zəng edib və atəşkəs təklifi edib. Paşinyan Putinin təklifinə razılaşmayıb və nəticədə Qarabağın tamamı Azərbaycanın nəzarətinə keçib. Putin ona görə Paşinyana bu xatırlatmanı edib ki, Azərbaycanın Qarabağ üzərində suverenliyini bərpa etməsinə görə Paşinyan Rusiya hakimiyyətini deyil, özünü qınamalıdır”.

Politoloq xatırladıb ki, həmin dövrdə atəşkəs Azərbaycanın da maraqlara cavab vermirdi, işi yarımçıq qoymaq olmazdı:

“Bu baxımdan Paşinyanın atəşkəsə razılaşmaması Azərbaycanın da maraqlarına uyğun idi”.

• Tiflisdə azərbaycanlı qadın öldürüldü – Təfərrüat
• Güclü küləklə bağlı xəbərdarlıq edildi
• Müdafiə Nazirliyi həftəlik icmalını təqdim etdi - Video
• Kür daşdı, daha iki kəndin əkin sahəsi su altında qaldı
• Xocalı sakini Ağdərədə minaya düşdü
• Melaniya məndən cəld reaksiya verdi - Tramp
• Bu gün 55 mindən çox şagird imtahan verir
• FHN silsilə tədbirlərə başladı: Əhalinin davranış qaydaları...