Ukraynanın Rusiyanın yaşayış məntəqələrinə hücumunun məqsədi bu həftə keçirilməsi planlaşdırılan prezident seçkilərini pozmağa çalışmaqdır.

BUTA.TV xəbər verir ki, bu sözləri Prezident Vladimir Putin yerli mediaya müsahibəsində deyib.

“Əsas məqsəd, buna şübhə etmirəm, Rusiyada prezident seçkilərini pozmağa çalışmaq, heç olmasa, vətəndaşların normal iradə ifadəsi prosesinə hansısa formada müdaxilə etməkdir. Bu birincidir. İkincisi, bu, artıq informasiya effekti əldə etməkdir”, - o bildirib.

Putinin sözlərinə görə, hücumlar Ukraynanın müharibə zonasındakı uğursuzluqları fonunda həyata keçirilir:

“Üçüncüsü, heç olmasa nəyəsə nail olunarsa, gələcəkdə mümkün danışıqlar prosesində hansısa fürsət, müəyyən əsaslandırma əldə etmək istəyirlər. Yəni biz bunu sizə qaytaracağıq, siz də bunu bizə verin”.

Qeyd edək ki, son günlər Ukraynanın Rusiyaya kütləvi PUA hücumları kəskin artıb. Nəticədə Rusiyanın bir çox yerlərində neft baza və anbarlarına zərbələr endirilib.

• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı
• "Azercell" bütün qadınları bu təşəbbüsə qoşulmağa dəvət edir
• Tofiq Əsgərova yüksək vəzifə verildi
• “Onkologiya”dakı hadisə nələri üzə çıxartdı?
• 8 nəfər maksimal bal toplayıb – DİM
• Mehriban Əliyeva İslam Səfərli küçəsindən video paylaşdı