Sabah Almaniyada bizi güclü rəqiblə maraqlı oyun gözləyir.

BUTA.TV xəbər verir ki, bu sözləri "Qarabağ"ın qapıçısı Andrey Lunyov UEFA Avropa Liqasının 1/8 final mərhələsində Almaniyanın “Bayer” klubuna qarşı keçirəcəkləri oyundan əvvəl təşkil olunan mətbuat konfransında deyib.

32 yaşlı qolkiper bildirib ki, Leverkuzen təmsilçisi ilə görüşə yüksək motivasiya ilə çıxacaq:

"Sabah əlimizə düşən fürsətlərdən maksimum istifadə edəcəyik. Mənim üçün hər oyun vacibdir. Hansı komanda ilə rəqib olmağımızdan asılı olmayaraq, hər görüşə ciddi hazırlaşıram. Rəqibi yaxşı analiz etmişik. Dördüncü dəfədir ki, bu komanda ilə qarşılaşacağıq. Düşünürəm ki, onların oyun üslubuna yaxşı bələdik".

Qeyd edək ki, komandalar arasında Tofiq Bəhramov adına Respublika Stadionunda baş tutan ilk matç 2:2 hesabı ilə yekunlaşıb. Cavab görüşü martın 14-də Bakı vaxtı ilə saat 00:00-da başlayacaq.

• Bu marşrut avtobusları yenilənir
• 257 saylı məktəbdə nə baş verir? - DİN
• Bayrağımıza hörmətsizlik edən gənc saxlanıldı
• "Azercell" bütün qadınları bu təşəbbüsə qoşulmağa dəvət edir
• Tofiq Əsgərova yüksək vəzifə verildi
• “Onkologiya”dakı hadisə nələri üzə çıxartdı?
• 8 nəfər maksimal bal toplayıb – DİM
• Mehriban Əliyeva İslam Səfərli küçəsindən video paylaşdı