"Qalatasaray"dan əzmkar qələbə

Futbol üzrə Türkiyə Super Liqasında VII turun oyunları davam edir.

BUTA.TV xəbər verir ki, günün son matçında "Qalatasaray" doğma meydanda "Ankaragücü" qəbul edib və əzmkar qələbə qazanıb - 2:1.

Matçda ilk qolu 49-cu dəqiqədə qonaqların heyətində Renaldo Gepas vurub. 56-cı dəqiqədə Vilfrid Zaha hesabı bərabərləşdirib. 70-ci dəqiqədə isə Hayrullah Bilazer avtoqol müəllifi olub.

Bu qələbə ilə xallarını 19-a çatdıran "Qalatasaray" liderliyə yüksəlib. Altı xalı olan "Ankaragücü" isə 15-cidir.