Sabah Moskvada işçi qrupun iclası keçiriləcək
Rusiya, Ermənistan və Azərbaycan Baş nazirləri müavinlərinin sədrliyi ilə işçi qrupun iclası iyunun 2-də Moskvada keçiriləcək.
BUTA.TV xəbər verir ki, bu barədə Ermənistan Baş naziri Nikol Paşinyan bildirib.
"Regional kommunikasiyalar üzrə işçi qrupun iclası iyunun 2-də Moskvada planlaşdırılır", - Paşinyan qeyd edib.
Onun sözlərinə görə, tədbirdə Ermənistandan Baş nazirin müavini Mger Qriqoryan, Rusiyadan Baş nazirin müavini Aleksey Overçuk, Azərbaycandan Baş nazirin müavini Şahin Mustafayev iştirak edəcək.
