Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

“Erməni qoşunlarına Rusiyanın generaliteti rəhbərlik edir” - ŞOK AÇIQLAMA

Siyasət
“Erməni qoşunlarına Rusiyanın generaliteti rəhbərlik edir”     - ŞOK AÇIQLAMA

Ermənilərin son təxribatlarından sonra Tovuz rayonu istiqamətində başlayan gərginlik davam edir. Ermənilərin Tovuz cəbhəsində savaşa başlamasının səbəbləri barədə ən müxtəlif fikirlər meydana çıxıb. Çoxları indiki şəraitdə düşmənin təxribata əl atmasını təsadüfi saymır.

 

Burada Rusiya izi daha çox axtarılır. Bu da əsassız deyil. Çünki son günlərdə ruspərəst qüvvələrin, o cümlədən ölkə daxilindəki “beşinci kolon”un fəallaşması müşahidə olunurdu. Bütün bunların ardınca belə hadisələrin baş verməsi sıradan bir olay kimi dəyərləndirilmir. Xüsusən günlər öncə qiyamçı polkovnik, Rusiyanın müəyyən dairələrinə bağlı Surət Hüseynovun “dirilməsi” və bir-birinin ardınca açıqlamalar verməsindən sonra bu cür hadisələrin yaşanması çoxsaylı suallar yaradır. 
 

Məsələ ilə bağlı “Yeni Müsavat”a danışan ADP sədri Sərdar Cəlaloğlu diqqətçəkən fikirlər səsləndirdi: 


“Bir neçə gün bundan qabaq ruspərəst qüvvələrin fəallaşması, ”beşinci kolon" nümayəndələrinin aktivləşməsi və SSRİ-nin bərpa olunacağı yönündə müəyyən bəyanatları, Azərbaycanın parçalanacağı yönündə fikirlər səsləndirmələri, Surət Hüseynovun çıxışları bir çox mətləblərdən xəbər verirdi. 


Digər tərəfdən, bu fikirlərimə əlavə olaraq onu da deyim ki, Rəhim Qazıyevin müraciəti də düzdürsə, bütün bunlar bir planın tərkib hissəsidir. Burada o qədər də ciddi bir təhlükə yoxdur. Sadəcə olaraq, bunlar araşdırılmalıdır ki, bunlar arasında nə dərəcədə əlaqə var. Surət Hüseynov bildiyim qədəri ilə özü mətbuatda çıxış etmək istəyib. 


Cümşüd Nuriyev bir-birinin ardınca qəribə-qəribə təhlillər yazır, “Azərbaycan parçalanacaq, yaxud işğal olunacaq” və s. Əvvəl də deyirdi ki, SSRİ 2024-cü ildə bərpa olunacaq. Sonra da deyir ki, 2-3 aya Azərbaycan parçalanacaq. Bunlar hamısı ictimai rəydə şok yaratmağa, psixoloji gərginliyə səbəb olmağa hesablanıb. Üstəgəl, Tovuza ermənilərin hücumu bunların ardından baş verdi. Biri var ki, Qarabağda münaqişə aktivləşsin və Azərbaycan cəmiyyəti buna uyğunlaşsın. Biri də var ki, Qarabağa aid olmayan bir əraziyə hücum edilsin. Ermənistanın bu hücumu Azərbaycan cəmiyyətinə mesajdır. 


Təhdid etməyə, qorxutmağa, Azərbaycanı basqı altında saxlamağa hesablanıb. Həm daxildə, həm də xaricdə yüzdəyüz bunların bir-biriləri ilə əlaqələri var. Gəncə qiyamında iştirak edən şəxslərin, eləcə də aktivləşən adamların hərəkətlərinə fikir vermək lazımdır. O zaman bir komanda kimi onların hamısı Rusiyanın bilavasitə rəhbərliyi altında o işləri görüblər. Ona görə də onların hər birinin bəyanatına, addımlarına fikir vermək, onları izləmək lazımdır".
 

ADP sədri Tovuz hadisələrində birbaşa Rusiya izi görür: 


“Rusiya ilə Ermənistan arasında hərbi ittifaq var. Ermənistan Rusiyanın xəbəri, razılığı olmadan heç bir hərbi əməliyyata başlaya bilməz. Onların müqaviləsi belədir. Müharibə şəraitində erməni qoşunlarına Rusiyanın generaliteti rəhbərlik edir. Müqavilənin şərtlərindən biri budur. Ona görə də təsadüfi deyil ki, özləri müharibə başlayır və dərhal Kollektiv Təhlükəsizlik Müqaviləsi Təşkilatına müraciət edirlər ki, bu məsələ müzakirə edilsin. Bütün bunlar onu göstərir ki, qabaqcadan planlaşdırılmış bir məsələdir”.

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla