Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Prezident İlham Əliyevə Respublika Günü münasibətilə təbriklər gəlməkdə davam edir

Siyasət
Prezident İlham Əliyevə Respublika Günü münasibətilə təbriklər gəlməkdə davam edir

Peru Respublikasının Prezidenti Martin Vizkarra Kornexodan Azərbaycan Respublikasının Prezidenti İlham Əliyevə təbrik məktubu gəlib.

 

Buta.ws xəbər verir ki, təbrikdə deyilir:

 

"Zati-aliləri.

 

Ölkənizin milli bayramı - Respublika Günü münasibətilə Sizə Peru xalqı adından və şəxsən öz adımdan səmimi salamlarımı və təbriklərimi çatdırıram.

 

Bu xoş fürsətdən istifadə edərək, ölkələrimiz arasında dostluq və əməkdaşlıq münasibətlərinin, xüsusilə də iqtisadi-ticari və investisiya sahələrində əlaqələrin gələcəkdə daha da möhkəmlənməsini arzuladığımı bildirirəm.

 

Bəşəriyyətin COVID-19 pandemiyası ilə mübarizə apardığı bir zamanda Azərbaycan xalqına möhkəm cansağlığı, tərəqqi və firavanlıq diləyirəm.

 

Zati-aliləri, Sizə ən dərin ehtiramımı bildirirəm".

 

X X X

 

Litva Respublikasının Prezidenti Gitanas Nausedadan Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Zati-aliləri.

 

Sizi və xalqınızı Azərbaycanın müstəqilliyinin 102-ci ildönümü və Ramazan bayramı münasibətilə təbrik edirəm. Bütün dünyanın pandemiya ilə üzləşdiyi bir vaxtda ölkənizə və xalqınıza həmrəylik, müqavimət və şəfa arzulayıram.

 

Litva və Azərbaycan arasında münasibətlərin getdikcə möhkəmlənməsindən çox şadam. Bizim videobağlantı formatında son danışığımız da göstərdi ki, maraq olan yerdə fəal ikitərəfli əməkdaşlıq mümkündür. Ümid edirəm ki, keçirilməsi planlaşdırılan Litva-Azərbaycan Hökumətlərarası Komissiyasının iclasında iqtisadi əlaqələrin inkişafını müzakirə etmək imkanımız olacaqdır.

 

Azərbaycanın və Litvanın informasiya texnologiyaları, nəqliyyat, mebel və qida sənayesi, tibb və təhsil sahələrində böyük potensialı var. Qəti əminəm ki, bütün dünyaya yayılmış pandemiya aradan qalxdıqdan sonra xalqlarımız üçün turizm sahəsində daha geniş əməkdaşlıq imkanları yaranacaqdır.

 

Hazırda Azərbaycan Türk Şurasında və Qoşulmama Hərəkatında sədrlik edir. Sizin təşəbbüsünüzlə videobağlantı şəklində çoxtərəfli formatda Zirvə görüşləri uğurla keçirildi.

 

Azərbaycan və Avropa İttifaqı arasında münasibətlər Litva üçün çox önəmlidir. Avropa İttifaqı və Azərbaycan arasında əməkdaşlıq sazişi ilə bağlı danışıqların yekunlaşdırılması bu əlaqələrin möhkəmləndirilməsinə uyğun addım olardı. Litva Azərbaycanın Avropa İttifaqı ilə fəal dialoqunu və Şərq Tərəfdaşlığı ölkələrinin Avropa İttifaqı dövlətləri ilə müzakirələrini dəstəkləməyə hazırdır.

 

Zati-aliləri, Sizi milli bayram münasibətilə bir daha təbrik edirəm.

 

Xahiş edirəm, Sizə olan ən dərin ehtiramımı qəbul edin".

 

X X X

 

Bəhreyn Krallığının Baş Naziri Xəlifə bin Salman Al Xəlifədən Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Zati-aliləri.

 

Azərbaycanın milli bayramı – Respublika Günü münasibətilə Sizə təbriklərimi çatdırmaqdan məmnunluq duyuram.

 

Sizə cansağlığı və xoşbəxtlik, dost Azərbaycan xalqına isə davamlı tərəqqi və firavanlıq diləyirəm. Həmçinin dost ölkələrimiz arasında səmimi münasibətlərin gələcəkdə də inkişaf etməsini arzulayıram".

 

X X X

 

Tunis Respublikasının Prezidenti Kays Sayiddən Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Zati-aliləri.

 

Azərbaycanın milli bayramı – Respublika Günü münasibətilə Sizə Tunis xalqı adından və şəxsən öz adımdan səmimi təbriklərimi çatdırmaqdan məmnunluq duyuram. Sizə cansağlığı və xoşbəxtlik, ali dövləti fəaliyyətinizdə uğurlar, qardaş Azərbaycan xalqına isə davamlı tərəqqi və rifah arzulayıram.

 

Bu fürsətdən istifadə edərək, qəti əminliyimi bildirirəm ki, ölkələrimiz arasındakı qardaşlıq və əməkdaşlıq əlaqələri xalqlarımızın maraqları naminə yeni üfüqlər açaraq daha da inkişaf edəcək və möhkəmlənəcək".

 

X X X

 

Yunanıstan Respublikasının Prezidenti Katerina Sakellaropuludan Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Cənab Prezident.

 

Ölkənizin milli bayramı - Respublika Günü münasibətilə Sizi Yunanıstan xalqı adından və şəxsən öz adımdan ürəkdən təbrik edirəm.

 

Fürsətdən istifadə edərək, Sizə cansağlığı, dost Azərbaycan xalqına isə tərəqqi və rifah arzulayıram".

 

X X X

 

Küveyt Dövlətinin Əmiri Sabah əl-Əhməd əl-Cabir əs-Sabahdan Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Zati-aliləri.

 

Dost ölkənizin milli bayramı - Respublika Günü münasibətilə Sizə ən xoş təbriklərimi çatdırmaqdan böyük məmnunluq duyuram.

 

Bu xoş fürsətdən istifadə edərək, dost ölkələrimiz və xalqlarımız arasında mövcud olan gözəl münasibətlərin daha da inkişaf etməsini arzulayıram.

 

Zati-aliləri, Sizə uzun ömür, cansağlığı, dost Azərbaycana və onun xalqına davamlı tərəqqi və rifah arzulayıram".

 

X X X

 

Myanma İttifaqı Respublikasının Prezidenti Vin Myindən Azərbaycan Respublikasının Prezidenti İlham Əliyevə təbrik məktubu gəlib.

 

Təbrikdə deyilir:

 

"Zati-aliləri.

 

Milli bayramınız - Respublika Günü münasibətilə Sizə və Azərbaycan xalqına Myanma İttifaqı Respublikasının xalqı adından və şəxsən öz adımdan səmimi salamlarımı və təbriklərimi çatdırıram.

 

Zati-aliləri, ən dərin ehtiramımı qəbul etməyinizi xahiş edirəm".

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla