Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Bakıda şok dələduzluq sxemi - Alqı-satqı elanı verən hər kəs hədəfdə - FOTO

Ölkə
Bakıda şok dələduzluq sxemi     - Alqı-satqı elanı verən hər kəs hədəfdə - FOTO

Bakıda saytlara alqı-satqı elanı yerləşdirən hər kəs dələduzluğun qurbanı ola bilər. Dələduzluq sxemi isə belədir: sayta hər hansı bir məişət əşyası, mal-material satışı haqda elan yerləşdirən vətəndaşa zəng olunur, satdığı əşya, mal-materialla maraqlanır. Satıcını inandırmaq üçün qiymətlə bağlı sövdələşmə aparır, özünü real alıcı kimi təqdim edir.

 

Eyni zamanda, özünün sıradan biri olmadığını sözarası deyir, ofisə sürücü, xidmətçi lazım olduğunu söyləyir.

 

Buta.ws bildirir ki, musavat.com-a başına gələnlər haqda məlumat verən vətəndaş deyir ki, o, saytlardan birinə istifadə etmədiyi qaz plitəsini satmaq üçün elan yerləşdirib və dələduzluğun qurbanı olmaqdan canını zorla qurtarıb.

 

"Telefon nömrəmə 070 215 02 XX (vətəndaş nömrəni tam olaraq redaksiyaya təqdim edib) nömrəsindən zəng edən şəxs özünü Tofiq kimi təqdim etdi. Qaz plitəsi ilə maraqlandı. Dedi ki, bəs Əhmədlidə ofisləri var, "Vito" markalı maşına sürücü axtarırlar, 650 manat maaş verir. 2 sürücü lazım olduğunu dedi. Sürücülük kateqoriyası, ailə vəziyyəti ilə maraqlandı. Qonşuma da dedim ki, belə iş var. O da dedi ki, işləməyə razıdır, amma uyğun kateqoriyası yoxdur. Tofiqə zəng elədim, dedim ki, qonşum da işləməyə razıdır, amma sürücülük kateqoriyası uyğun deyil. O da problem olmadığını, məsələni yoluna qoyacağını söylədi, tapşırdı ki, ondan zəng gözləyək".

Vətəndaş deyir ki, növbəti gün Tofiq ona zəng eləyib, deyib ki, iş düzəlib: "Həkimlərdən keçməli olmağımızı dedi, qonşumla "Neftçilər" xəstəxanasına gəlməyimizi istədi, dedi ki, özü də ordadır, həkimləri axtarır. Qonşumu çağırdım ki, "Neftçilər" xəstəxanasına gedək. Tofiq bir də zəng elədi. Bu dəfə dedi ki, bəs həkimlə danışdım, siz əziyyət çəkib gəlməyin. Həkimin hesab nömrəsini verirəm, ora hər biriniz təcili 50 manat köçürün, həkim sizin sağlam olmağınız haqda arayışları verəcək. Ad, familiya, ata adlarımızı, təvəllüdlərimizi bir də dəqiqləşdirdi. Dedi ki, pulu tez köçürün, həkim sənəd yazsın, alım gəlim Əhmədliyə, siz də gəlin metroya tərəf, deyəcəyəm ofis hardadır".

 

Vətəndaş deyir ki, Tofiqin bu cür davranışından şübhələnib, az sonra ona zəng edib: "Soruşdu ki, pulu köçürdüz. Cavab verdim ki, biz gəlirik "Neftçilər" xəstəxanasına, oradan səninlə ofisə gedərik. Dedi ki, pulu köçürün, sonra gəlin. Növbəti zənglərimizə cavab vermədi. Növbəti gün də dəfələrlə həmin nömrəni yığdım, yenə cavab vermədi".

 

Vətəndaş redaksiyamıza Tofiqin verdiyi və pulun köçürülməsini istədiyi "Kapitalbank"dakı hesab nömrəsini də təqdim edib. Həmin hesab nömrəsi Tərlan Rəfail oğlu Şahverdiyevin adınadır.

 

"Yeni Müsavat" əməkdaşı araşdırıb ki, bu şəxs dələduzluq, narkotik maddələrdən istifadəyə görə həbsdə olub. 2016-cı ilin noyabrında Nəsimi Rayon Məhkəməsi barəsində qazancından 15 faiz tutulmaqla 2 il islah işlərinə məhkum olunması haqda hökm çıxarıb.

 

Belə görünür ki, hüquq-mühafizə orqanları bir daha Tərlan Rəfail oğlu Şahverdiyevi sorğu-suala tutmalı olacaqlar...

Loading...
Paylaş

Sizin reklam yeriniz     Ölçü: 600x100

+994702372227

Ölkə bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla