Son üç ayda Ukraynadakı rus qoşunları batalyon taktiki qruplar (BTQ) şəklində yerləşdirməni dayandırıb.
Buta.ws xəbər verir ki, bu barədə Britaniya kəşfiyyatı məlumat yayıb.
“BTQ konsepsiyası son 10 ildə Rusiyanın hərbi doktrinasında mühüm rol oynayıb. Bu konsepsiya batalyonları zirehli texnika, kəşfiyyat və artilleriya da daxil olmaqla, tamçeşidli dəstək birləşmələri ilə birləşdirməyə çağırırdı. BTQ-nin bir sıra daxili çatışmazlıqları Ukraynadakı genişmiqyaslı döyüşlər zamanı aşkar edildi. Üstəlik, BTQ-də piyadaların sayı kifayət qədər deyildi”, - məlumatda qeyd olunub.
Kəşfiyyat onu da qeyd edib ki, artilleriyanın mərkəzləşdirilmiş şəkildə paylanmaması Rusiyaya silahların sayındakı üstünlüyündən tam istifadə etməyə imkan verməyib.
