Xersondan geri çəkilərkən rus ordusu çoxlu sayda əşyaları, o cümlədən uşaq oyuncaqlarını minalayıblar.
Buta.ws xəbər verir ki, bu barədə Ukrayna daxili işlər nazirinin müşaviri Rostislav Smirnov deyib.
Onun sözlərinə görə, Xersonda minaların miqyası son dərəcə böyükdür:
"İndi əsas diqqət minatəmizləmə işinə verilir. Orada minatəmizləmənin miqyası həddən artıq böyükdür. Uşaq oyuncaqlarında, hətta iki futbol topunun arasında mina var idi. Xerson vilayətinin işğaldan azad edilmiş ərazilərində xilasedicilər artıq 5000-dən çox partlayıcı obyekti zərərsizləşdiriblər".
