Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

"Həci"dən qırmızı "Porshe" alan müğənni həyatını açıb danışdı: "Yanımda heç kim yoxdur, ürəyim isə..."

Maqazin
"Həci"dən qırmızı "Porshe" alan müğənni həyatını açıb danışdı: "Yanımda heç kim yoxdur, ürəyim isə..."

Bir deyim var : "od olmasa, tüstüsü çıxmaz". Buta.Ws olaraq bu minvalla "Həci" sevgilisindən "Porsche" hədiyyəsi alan aparıcı, müğənni Türkan Heydərova ilə söhbətləşdik. Müğənni yerli saytlarda yayılan məlum xəbərdən sonra telefonunun susmadığını bildirdi.

 

Necə oldu ki, "Həci olayı" Türkana da gəlib çatdı?

Səhər tezdən oyandım ki, saytlar "Porsche"dən yazır. Özü də qırmızı rəngdə (gülür). Qohumlarım, yaxınlarım zəng edərək təbrik etməyə başlayıblar. Mən deyəndə ki, belə bir şey yoxdur, dedilər ki, kaş belə bir şey olsun, həqiqətən, mən buna layiqəm.

 

Türkan, deyirlər sənin  "Porsche" markalı avtomobilin olub. Maraqlıdır onu da "Həci"siz almışdın?

Bəli, 2012-ci ildə "Porsche" markalı avtomobil sürmüşəm, amma onu nə "həci", nə də "məşədi" almışdı. O vaxtlar şou aləmindən uzaq idim. Şou-biznesə qoşulanda artıq "Hyundai" sürürdüm.

 

Nə baş verdi ki, saytlar birdən-birə "Həci"nin sənə yarım milyonluq avtomobil aldığını yazdılar?

Gəlin ondan başlayaq ki, "Porsche"nin qiyməti 30 mindən başlayır (gülür). Amma nədənsə xəbəri oxuyanlar fikirləşdi ki, məndəki milyonluqdur.

 

Yayılan məlumatda sənin rəfiqənin "barmağı" olduğunu yazmışdılar. Sənə "zərbə" vuran kim idi belə?

Deyirlər, rəfiqəsi açıqlama verib. Maraqlıdır ki, mənim rəfiqəm yoxdur. Mən, ümumiyyətlə, heç kimlə yaxınlıq, dostluq etmirəm, insanlardan uzaq gəzən adamam. Ona görə də, məncə, bunu hansısa tanış qız edib. Amma sağ olsun, o xəbərlərə görə bir günə məni tanımayanlar da tanıdı.

 

Deyir yalan ayaq tutar, yeriməz. Türkanın yalan xəbəri yeridimi?

Yeridi, pis təsir edən o oldu ki, jurnalistlərin hamısı ilə aram çox yaxşıdır. "Porsche" və "Həci" xəbərlərini məni tanıyanlar da yazdı, tanımayanlar da, amma açıqlamanı yalnız bir neçə sayt paylaşdı.

 

Bildiyim qədərilə sənin indiyə kimi bir neçə bahalı avtomobilin olub. Hamısını öz puluna alımısan?

Olar bu suala cavab verməyim? Bircə onu deyim ki, heç kimin həyat yoldaşı mənə heç nə bağışlamayıb. Bütün ərdə olan qadınlar rahat olsun.

 

Türkan təkbaşına ayaqda qalmağı bacarırmı?

Allaha qurban olum, insana bəzən elə bir güc verir ki... Bəzən düşünürəm ki, mən vəhşiyəm. Çünki nəinki ayaqüstə dururam, hətta çiynimdə özümlə ağır yükləri də saxlayıram.

 

Rəfiqələrin arasında sənin paxıllığını çəkən varmı?

Rəfiqə sözünün anlamı, məncə, paxıl deməkdir (gülür).

 

Hazırda fəaliyyətin nədən ibarətdir?

İnşallah, məni yenə aparıcı kimi görəcəklər, həftəlik verilişdə. Bir mahnı üzərində də işləyirik. Onu da səhhətim və müalicələrim imkan versə, tez bir zamanda tamaşaçılara təqdim edəcəm.

 

Toylara gedirsən?

Toylara gedirəm, amma daha repertuarıma görə müasir, gənclər çox olan toylara dəvət alıram.

 

Xarici ölkəyə toya dəvət almısan?

Rusiyadan təkliflər gəlib, amma, təəssüf ki, müalicələrimə görə gedə bilməmişəm.

 

Bəs maraqlıdır Türkana Azərbaycan seriallarında rol versələr necə?

Çox tez-tez xarici görünüşümə görə təklif edirlər, amma mən aktyorluğu bacarmıram. İncəsənət adamları plastilin kimi olmalıdır, hər cür rola girməyi bacarmalıdır. Təəssəf ki, mən bunu bacarmıram.

 

Bu gün sənin ad günündür. İlk hədiyyəni kimdən gözləyirsən?

Artıq illərdir heç kimdən yaxşı heç nə gözləmirəm (gülür). Amma bilirəm ki, yaxınlarım, ətrafımda olan həmkarlarım nəsə sürpriz edəcəklər, çünki onlar məni çox sevir.

 

Məşhurların şəxsi həyatı həmişə maraqlı olub. Sevgilin var?

Bu mövzu çox yaralı yerimdir. Bircə onu deyim ki, mən təkəm, yanımda heç kim yoxdur, ürəyim isə doludur.

 

Hansı kəlmə Türkanın qəlbini qıra bilər?

O qədər kəlmələr var ki... Ən əsas da günahsız olduğum an məni günahkar bilib, mənə deyilən ağır kəlmə.

 

Son olaraq oxucularımıza nələr demək istəyərdin?

İnsanı tanımadan onun haqqına girməyin. Kommentlərdə kiminsə ölüsünü, dirisini söyəndən qabaq düşünün, bu sizə edilsəydi, necə olardınız. Paxıllıq etməyin, qəlbi qara olmayın. Düşünməyin ki, kimsə sizdən yaxşı yaşayır, hərənin özünə görə öz dərdi var. Və ən əsası, həyatı və sizi əhatə edən hər şeyi sevin.

 

Xəyal

Paylaş
Maqazin bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla