Ana səhifə   |    Haqqımızda   |    Reklam
+994702515020
USD: 1.7000
EUR: 1.8902
RUB: 0.0254
TRY: 0.3230

Ukrayna DTX-nın rəisi tanınmış azərbaycanlı diaspor lideri barədə deportasiya qərarı verdi — Saakaşviliyə GÖRƏ

Siyasət
Ukrayna DTX-nın rəisi tanınmış azərbaycanlı diaspor lideri barədə deportasiya qərarı verdi     — Saakaşviliyə GÖRƏ

“Ukrayna Azərbaycanlılarının birləşmiş diasporu” ictimai təşkilatının rəhbəri Hikmət Cavadovun Bakıya və ya üçüncü ölkəyə deportasiya edilməsi barədə rəsmi qərar ortaya çıxıb. 


Bu barədə  Demokrat.az-a Ukraynadakı Azərbaycan diaspor təşkilatından məlumat daxil olub. 


Məlumata görə, 2018-ci ilin sentyabrında Ukrayna Dövlət Təhlükəsizlik Xidmətinin (DTX) rəhbəri, ordu generalı Vasili Grıtsak 05.05.1982-ci il təvəllüdlü Azərbaycan vətəndaşı Cavadov Hikmət Əlövsət oğlunun Azərbaycana və ya üçüncü ölkəyə məcburi qaytarılması haqqında qərar verib. 


Sənəddə qeyd olunur ki, Hikmət Cavadov media vasitəsi ilə, həmçinin ictimai çıxışları zamanı etiraz əhval-ruhiyyəsinin qaldırılması, Ukrayna dövlətinin ali idarəetmə orqanlarına inamsızlığın formalaşdırılması məqsədi ilə Ukraynanın dövlət orqanları və Ukraynada yaşayan digər millətlərin nümayəndələri haqqında fitnəkar şüarları səsləndirir. 

 

Image result for Грицак Василий


Eyni zamanda, o, Ukraynada hakimiyyət nümayəndələrinə qarşı hörmətsizlik və təhqir nümayiş etdirir, bu da öz növbəsində kütləvi mitinq iştirakçıları və hüquq-mühafizə orqanları arasında fiziki qarşıdurma üçün şərt yaradır, məsuliyyəti xüsusilə Ukrayna Cinayət Məcəlləsinin 294-cü maddəsi (Kütləvi iğtişaşlar) və 161-ci maddəsində (İrqindən, millətindən və ya dinindən asılı olaraq vətəndaşların bərabərliyinin pozulması) nəzərdə tutulur.  


Həm də Hikmət Cavadov sözügedən hərəkətləri ilə Ukraynada dinlərarası və millətlərarası vəziyyətin kəskinləşməsinə səbəb ola bilər. Sadalanan məsələlərlə əlaqədar Hikmət Cavadovun Azərbaycana və ya üçüncü ölkəyə məcburi qaytarılması haqqında qərar verilir.

 

Image result for Hikmət Cavadov saakaşvili


Marqaqlıdır ki, Ukraynanın ordu generalı səviyyəsində Hikmət Cavadovun deportasiyası barədə qərar verilsə də, amma sonradan müəmmalı şəkildə bu qərar icra edilmir. Buradan belə düşünmək olar ki, Hikmət Cavadov müəyyən imtiyazlar qarşılığında Ukraynanın xüsusi xidmət orqanları ilə məxfi əməkdaşlığa cəlb edilib. Bəlkə də elə bu səbəbdəndir ki, Hikmət Cavadov onun haqqında çıxarılmış deportasiya qərarından az sonra Rusiyanın yüksək dövlət rəhbərlərinə qarşı "savaş" açıb, onları pisləyən yazılar yayır. Təbii ki, bu gün Rusiya ilə dərin münaqişə yaşayan Ukrayna dövləti üçün "üçüncü" ölkələrin vətəndaşları tərəfindən Kreml hakimiyyətini "vurdurmaq" rəsmi Kiyev üçün göydəndüşmə bir fürsət idi. Buna Hikmət Cavadovun timsalında azda olsa nail oldular. Görünür, Ukraynanın müəyyən rəsmi dairələri Azərbaycanın da Rusiya ilə özü kimi münaqişə yaşamasını arzulayır. Hikmət Cavadov kimi həvəskar diaspor nümayəndələri isə bəlkə də fərqinə varmadan buna alət olurlar. 


Bu gün Azərbaycan Rusiya ilə strateji müttəfiq olan dövlətdir, milyonlarla soydaşımız hazırda bu ölkədə işləyib yaşayır, dolanışıq mənbəyi kimi baxır. Eyni zamanda ən böyük problemimiz olan Dağlıq Qarabağ münaqişəsinin də sülh yolu ilə həllində Ukraynadan milyon dəfə çox Rusiyadan nə isə gözləyirik. Axı belə bir məqamda özünü Prezident İlham Əliyevin "dəstəkçisi" kimi göstərən, hakimiyyətin müəyyən qanadı ilə bağları olan Hikmət Cavadovun Rusiya prezidentini, onun xarici işlər nazirini açıq təhqir və tənqid edən açıqlamalar verməsi kimə fayda verə bilər?!

 

Image result for Порошенко


Qeyd edək ki, özünü Prezident İlham Əliyevin tövsiyə və tapşırıqlarının icraedicisi kimi təqdim edən Hikmət Cavadov bu yaxınlarda Ukraynada fəaliyyət göstərən Azərbaycan diasporu adından sabiq Odessa qubernatoru Mixail Saakaşvilinin yaratdığı yeni “Təmizlik Uğrunda Hərəkat”ı yaxından dəstəkləməklə, bu ölkənin rəsmi şəxslərinin Azərbaycan dövlətinə qarşı münasibətlərində "soyuqluq" yaradıb.  


Təsadüfi deyil ki, bir müddət əvvəl Saakaşvilini sərhəddə qarşılamağa gedənlər arasında Hikmət Cavadov da olub. Sonradan Kiyevin mərkəzində keçirilən mitinqlərdə də diaspor rəhbəri aktivliyi ilə diqqəti cəlb edib. Hətta, Mixail Saakaşvili etirazçıların Ali Rada qarşısında yaratdığı çadır şəhərciyinə baş çəkərkən, burada Hikmət Cavadovla da görüşüb. Həmin vaxt Azərbaycan mediası yazırdı ki, M.Saakaşvili  H.Cavadovla söhbətində bu mitinqlərə dəstək verdiyi üçün Azərbaycan diaspor nümayəndələrinə təşəkkürünü bildirib:


“Saakaşvili qeyd edib ki, Ukraynadakı azərbaycanlıların ona verdiyi dəstəkdən xəbərdardır və bu barədə məlumatları daimi olaraq izləyir. Öz növbəsində diaspor rəhbəri H.Cavadov da Saakaşviliyə onu sona kimi dəstəkləyəcəklərini və hər gün etirazçıların yanında olduqlarını deyib”.

 

Image result for Hikmət Cavadov saakaşvili


Hətta məlumata görə, Hikmət Cavadov Saakaşvilinin aksiyalarına qatılaraq, onun tərəfdarlarını "peraşki" və digər yüngül yeməklərlə təmin edib. 


Daha sonra o, Mixail Saakaşvili tərəfdarlarının Maydanda keçirilən böyük mitinqində çıxış edib və Poroşenko hakimiyyətini istefaya səsləyib.


Şübhəsiz, bütün bunlardan sonra Azərbaycan hakimiyyətini tənqid edən Ukrayna siyasi elitasının üzvlərini yaxşı başa düşmək olur. Ən azı ona görə ki, eyni vaziyyəti biz Bakıda yaşasaydıq, bəlkə də daha radikal qərarlar qəbul edərdik. Məsələn, əgər bu gün Ukraynanın Azərbaycanda Diaspor qurumu, yaxud bir Mədəniyyət Mərkəzi olsaydı və onun rəhbəri Milli Şuranın mitinqində Əli Kərimliyə dəstək versəydi, buna rəsmi Bakının reaksiyası necə ola bilərdi?...

 

Image result for Əli Kərimli saakaşvili


Digər tərəfdən, indiki vəziyyətdə daha bir sual diqqətimizi cəlb edir: Ukraynada mövcud siyasi durumun gərginləşməsi kimin marağındadır? Bu məsələ Azərbaycanın siyasi maraqlarına uyğundur? Təbii ki, birmənalı olaraq “yox” cavabı verə bilərik. Deməli, burada hansısa ölkələrin marağından söhbət gedə bilər. Bu zaman isə belə qənaətə gəlmək olur ki, Hikmət Cavadov həmin ölkələrin siyasətinə birbaşa xidmət edir. 


Ancaq bizim üçün cavabsız qalana bir sual da odur ki, ölkəmizin Ukraynadakı səfiri Azər Xudiyev və Diasporla iş üzrə Dövlət Komitəsinin sədri Fuad Muradov hara baxır?!


Zaur Hacılı
BUTA.WS

 

Paylaş
Siyasət bölməsinə aid digər xəbərlər
İndi oxunanlar

Son 12 saatda yüklənən xəbər yoxdur

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Sadiq Mirzəyevdir.

Əlaqə: Telefon / Whatsapp: +994 70 2515020

E-mail: [email protected]

Bağla