Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Qarabağ ətrafında nə baş verir?

Siyasət
Qarabağ ətrafında nə baş verir?

Ermənistan və Rusiyanın xarici işlər nazirləri ATƏT-in nazirlər toplantısı çərçivəsində Slovakiyada müxtəlif məsələlər sırasında Dağlıq Qarabağ münaqişəsinin nizamlanması da müzakirə ediblər. 

 

BUTA.WS "Turan"a istinadən xəbər verir ki, bu haqda Ermənistan KİV-i məlumat yayıb.

 

Nəzərə alsaq ki, Mnatsakanyan bir gün öncə Qarabağda olub, bu mesajda xüsusi bir şey yoxdur. O, yerli rəhbərliyi əmin edib ki, Yerevan nizamlanma məsələsində güzəştə getməyəcək və həlledici söz Qarabağındır.

 

Qarabağın özündə yaranmış gərginlik olmasa, bu məlumatda da yeni bir şey yoxdur. Artıq Qarabağda Nikol Paşinyan hökumətinin siyasəti ilə bağlı narazılığı gizlətmirlər.

 

Vəziyyət Paşinyanın Qarabağı "təslim etməyə" hazır olması (Paşinyanın baş katib Stoltenberqə məktubu) barədə saxta məlumatlar, Paşinyanın hərəkətlərini tənqid edənlərin ("Qarabağ Təhlükəsizlik Şurası"nın rəhbəri Vitali Balasanyanın istefası) təqib olunması və Qarabağda bir sıra yüksək vəzifəli şəxslərin işdən çıxarılması ilə gərginləşir.

 

Bu fonda "Qarabağ Təhlükəsizlik Xidməti" bəyanatla çıxış edib ki, "konstitusiya qaydalarını pozmaq" cəhdlərinə görə qətiyyətli tədbirlər görüləcək.

 

Bu xəbərdarlıq qondarma Dağlıq Qarabağ qüvvələrinin keçmiş komandanı Samvel Babayanın imza toplanışından 10 gün öncə səslənmişdi. O 2020-ci ildə keçiriləcək "Qarabağ prezidenti" seçkilərində iştirak etməyə çalışır.

 

Lakin hazırda o, namizəd ola bilməz. Çünki son 10 ildə Qarabağda yaşamayıb. Ona görə də S.Babayan bu məhdudiyyəti aradan qaldırmaq üçün qanunvericiliyin dəyişdirilməsi məqsədilə imza toplayıb.

 

S.Babayan fəal təşviqat aparır, adamları inandırır ki, ona maneçilik törədirlər, çünki qorxurlar. Ancaq ən maraqlısı odur ki, S.Babayan hədə-qorxu gəlib ki, əgər ona mane olsalar (yerli hakimiyyət) öz tərəfdarlarını küçələrə çıxaracaq.

 

"Təhlükəsizlik Xidməti"nin xəbərdarlığı göstərir ki, Qarabağda hakimiyyət S.Babayanın idarəçiliyinə imkan verməyəcək.

 

Eyni zamanda rəhbərliyin nəzarətində olan KİV-lərdə məlumatlar yayılır ki, S.Babayan iğtişaşlara sövq etmək və sabitliyi pozmaq niyyətindədir. Bu, Qarabağ nizamlanması məsələsinin Qarabağın Rusiyanın mandatına verilməsi formatında həlli məqsədilə edilir.

 

Qeyd edək ki, Ermənistanın siyasi qüvvələrinin bir hissəsi və Qarabağ əhalisi S.Babayanı dəstəkləyir. Əsasən nüfuzlu Daşnaksütyun Partiyası vahid namizədin irəli sürülməsi ilə bağlı məsləhətləşmələrə başlamaq niyyətindədir. Belə fikirlər var ki, daşnaklar S.Babayanı dəstəkləyəcək.

 

Paylaş
Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla