Naxçıvan Muxtar Respublikası daxil olmaqla, ölkə üzrə ümumilikdə 134 ünvanda qurbanlıq heyvanların satışı və kəsimi xidmətləri təşkil olunub.
“BUTA.TV” xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
Bildirilib ki, məntəqələrin 75-də satış-kəsim, 27-də yalnız satış, 32-də isə yalnız kəsim xidmətləri vətəndaşlara təqdim edilir.
“Bununla yanaşı, bir sıra regionlarda səyyar heyvan kəsimi çadırları quraşdırılıb. Həmçinin işğaldan azad edilmiş Ağdam, Cəbrayıl, Füzuli və Laçın rayonlarında da qurbanlıq heyvanların satışı və kəsimi xidmətləri təşkil edilib.
Eyni zamanda ölkə ərazisində fəaliyyət göstərən soyuducu infrastruktura malik ticarət şəbəkələri tərəfindən qurbanlıq heyvan ətinin satışı xidməti də həyata keçirilir.
Qurbanlıq heyvanlarda hər hansı xəstəliyə şübhə yarandığı halda baytar həkim tərəfindən daxili orqanlardan nümunələr götürülərək həm yerində fəaliyyət göstərən laboratoriyalarda, həm də Mərkəzi Baytarlıq Laboratoriyasında müayinələr aparılır”, - məlumatda qeyd edilib.
- Rusiya Ermənistana xəbərdarlıq etdi - Məktub göndərildi
- Bayram günü kabab bişirmək istədilər, xəstəxanalıq oldular
- Qurbanlıqları bu ünvanlardan ala bilərsiniz - Siyahı
- Sabah 32 dərəcə isti olacaq
- Qəbələnin bir hissəsi qazsız qaldı - Səbəb
- Temperatur 40°-yə çatacaq
- DYP sürücü və piyadaları məsuliyyətli olmağa çağırdı
- Ülviyyə Həmzəyeva yenidən sədr seçildi