Bir müddət əvvəl Bakı Abadlıq Xidməti tərəfindən Maştağa qəsəbəsində abadlıq işlərinə başlanılmışdı. Hazırda işlər yekunlaşmaq üzrədir.
BUTA.TV Baku TV-yə istinadən xəbər verir ki, abadlıq işləri "Xunxarlar məhəlləsi" kimi tanınan Mirəli Mirəliyev küçəsində aparılıb. Sakinlər görülən abadlıq işləri ilə bağlı təəssüratlarını bölüşüblər.
"Məhəlləmiz əvvəlki ilə müqayisədə çox gözəlləşib. Təmizlik, gül-çiçək - hər şey dəyişib", - deyə sakinlərdən biri bildirib.
"Çox gözəldir. Sevinirəm ki, artıq bizim Maştağamız ağ günə çıxır", - deyə digər sakin qeyd edib.
Məhəllədə yerləşən evlərin dam örtükləri və fasadları yenilənib, darvaza və qapılar rənglənib. Əraziyə dekorativ güllər əkilib, işıqlandırma sistemi quraşdırılıb.
Bundan əlavə, uşaqların və sakinlərin asudə vaxtlarını maraqlı keçirmələri üçün söhbətgahlar yaradılıb.
Qeyd edək ki, abadlıq işlərinin yaxın vaxtlarda tam başa çatdırılması planlaşdırılır. Bu kimi işlər digər məhəllələrdə də davam etdiriləcək.
- Prezidentin qızı Masallıdan maraqlı fotolar paylaşdı
- FHN hava şəraiti ilə bağlı əhaliyə müraciət etdi
- FHN əhaliyə xəbərdarlıq etdi
- Maştağada böyük dəyişiklik: Sakinlər sevinc içində - Video
- Bu ərazidə işıq olmayacaq
- Bakının bu ərazilərində qaz olmayacaq
- Sürücülərə şad xəbər: Bu yolda təmir başlanıldı - Video
- Ağdama leysan yağır: küçələrdəki mənzərə... - Video