Rusiyanın BMT-dəki Daimi Nümayəndəliyinin rəhbərinin müavini Dmitri Polyanskinin 2008-ci il müharibəsi ilə bağlı sözləri diqqət çəkib.
BUTA.TV Globalinfo.az-a istinadən xəbər verir ki, Polyanski 2008-ci il müharibəsi ilə bağlı Gürcüstanın mövqeyini səsləndirib. O, xüsusilə hakim Gürcü Arzusu Partiyasının eks-prezident Mixail Saakaşvilinin müharibəni necə başlatması barədə dediklərindən sitat gətirib:
“Qərbli həmkarlarımızın Saakaşvilinin Cənubi Osetiyaya 2008-ci ildə aqressiyasını müzakirə etməklə bağlı manyak arzuları bizi çox təəccübləndirib. Gürcüstan hökumətinin də mövqeyi nəzərə alınaraq açılan faktlar bizə daha çox mazoxizmi xatırladır. Mən daha şərh verməyəcəm. Sadəcə sizə hakim Gürcü Arzusu Partiyasının İdarə Heyətinin bəyanatını oxuyacam”.
Bundan sonra Gürcü Arzusunun ötən gün yaydığı bəyanatdan Saakaşvilinin 2008-ci il müharibəsinin təqsirkarı olması ilə bağlı hissəsi oxunub:
“Gürcü ictimaiyyətinin böyük hissəsi Saakaşvilinin adekvatlığına şübhə edir. Fakt odur ki, 2008-ci ilin avqustunda Saakaşvilinin avantürist fəaliyyətləri onun psixi balanssızlığının nəticəsi yox, xaricdən aldığı və yaxşı planlaşdırılmış xəyanətin nəticəsi idi”.
Polyanski deyib ki, qərbli diplomatlar tribunaya çıxıb danışanda bu bəyanatı yenidən yada salsınlar.
Qeyd edək ki, Gürcü Arzusu Saakaşviliyə qarşı geniş kampaniyaya başlayıb. Artıq bir neçə gündür, 2008-ci il müharibəsinin Gürcüstan tərəfindən başladılması fikri təbliğ olunur. Üstəlik, hakim partiya bu işdə Saakaşvilinin əlinin olduğunu deyir və ona qarşı məhkəmə prosesi başladacağını bildirir.
Saakaşvili isə bundan öncə dəfələrlə Gürcüstan müharibəsini Rusiyanın başlatdığını detallı izah edib.
- İrəvan Tiflisdən fərqli yol tutub: Bakı nə deyirsə… - Köçəryan
- Şok: İsrail Suriyaya irəliləyir - Türkiyə ordusu girəcək?
- Qrehemdən inanılmaz: ABŞ Ukraynada sərvət uğrunda vuruşur
- Paşinyan “O olmasın, bu olmasın”ı dinlədi - Video
- ABŞ niyə Bakını alqışlamağa məcbur oldu?
- DTX 70 kq qızılla saxlanılan diplomatla bağlı - Məlumat yaydı
- Bu uşaqlara 6000 manat birdəfəlik müavinət veriləcək
- Gürcü Arzusu Maydan istəyir: Bu, onun nəyinə lazımdır?