Əməkdar artist Aybəniz Haşımovanın qızı, bloger Aynişan Quliyeva maraqlı açıqlaması ilə diqqət çəkib. 

BUTA.TV xəbər verir ki, bloger necə pul qazandığı ilə bağlı ona ünvanlanan sualları cavablayıb.  O, 8 ildir ki, influenserliklə məşğul olduğunu və bu sahədən kifayət qədər yaxşı qazandığını açıqlayıb:

“Mənə ən çox verilən suallar bu yöndədir: Bu qız harada işləyir? Bilən var, Aynişan haradan qazanır? Bu qız bütün günü səyahət edir, şəkil çəkdirir, amma işləmir... 

Mən düşünürdüm ki, artıq 2024-cü ildir və insanlar influenserliyin nə olduğunu bilir. 8 ildir ki, influenserlik fəaliyyətim var və bir çox qlobal markalarla çalışıram. Onlarla müqavilə bağlanır, reklamları mən tərəfdən paylaşılır və buna görə dövlətə illərdir ki, vergi ödəyirəm. 

Kifayət qədər qazancımız var və hər paylaşılan reklama görə vergi veririk.

Bizim ölkədə bir kişinin pul qazana biləcəyinə inanırlar, amma qadının qazana biləcəyinə inanmırlar. Düşünürlər ki, bir qadın gözəl geyinirsə, səyahətə çıxırsa, bunu ona ya valideynləri, ya da həyat yoldaşı təşkil edir. Bu düşüncələr ən yaxşı halda belə olur, ən pis halda isə insanlar müxtəlif fantastik ssenarilər yazırlar, sonra bunu uydurub danışırlar.

Başqasının pulunu hesablamaqla məşğul olanlar görəsən, niyə özlərini kəşf etmirlər? Bəlkə də istedadlarını kəşf edib irəli getsələr, başa düşərlər ki, qadın çox uğurludur, yetər ki, ağlı başında olsun və nəyi istəyib, nəyi istəmədiyini anlasın”. 

• Hizbullahın zəifləməsi ilə Suriyada savaş alovlandı
• İrəvan Tiflisdən fərqli yol tutub: Bakı nə deyirsə… - Köçəryan
• Şok: İsrail Suriyaya irəliləyir - Türkiyə ordusu girəcək?
• Qrehemdən inanılmaz: ABŞ Ukraynada sərvət uğrunda vuruşur
• Paşinyan “O olmasın, bu olmasın”ı dinlədi - Video
• ABŞ niyə Bakını alqışlamağa məcbur oldu?
• DTX 70 kq qızılla saxlanılan diplomatla bağlı - Məlumat yaydı
• Bu uşaqlara 6000 manat birdəfəlik müavinət veriləcək