Rusiyanın səhiyyə naziri Mixail Muraşko Ukrayna Silahlı Qüvvələrinin Rusiyanın Kursk vilayətinə həmləsindən sonra ümumilikdə 106 nəfərin yaralandığını açıqlayıb.

BUTA.TV xəbər verir ki, bu barədə nazir TASS-a bildirib.

Onun sözlərinə görə, Ukrayna ordusunun Kursk vilayətinə həmləsi başladıqdan bəri 69 nəfər, o cümlədən 8 uşaq stasionar müalicə üçün xəstəxanalarda qalır.

Nazir vurğulayıb ki, 17 zərərçəkənin vəziyyəti ağırdır. Muraşko əlavə edib ki, dördü uşaq olmaqla 11 nəfər Moskvadakı tibb mərkəzlərində və xəstəxanalarda müalicə olunur. O qeyd edib ki, Kursk vilayətinin 29 sakininə ambulator yardım göstərilib, avqustun 11-nə olan məlumata görə, daha 8 nəfər isə xəstəxanalardan buraxılıb.

Beləliklə, Kursk vilayətində döyüşlər başlayandan azı 106 nəfər yaralanıb.

• Deputatlarımız gələn ay İrəvana gedəcək?
• “Baku Elektroniks”dən MİSİLSİZ FIRILDAQ: 4 min manata satdığı telefon… FOTO
• Hizbullahın zəifləməsi ilə Suriyada savaş alovlandı
• İrəvan Tiflisdən fərqli yol tutub: Bakı nə deyirsə… - Köçəryan
• Şok: İsrail Suriyaya irəliləyir - Türkiyə ordusu girəcək?
• Qrehemdən inanılmaz: ABŞ Ukraynada sərvət uğrunda vuruşur
• Paşinyan “O olmasın, bu olmasın”ı dinlədi - Video
• ABŞ niyə Bakını alqışlamağa məcbur oldu?